जापानको क्योएनिमा भएको आगजनीप्रति प्रधानमन्त्री ओलीद्वारा समवेदना

फाइल फोटो

काठमाडौं– प्रधानमन्त्री केपी शर्मा ओलीले जापानको क्योटोस्थित एनिमेशन स्टुडियो क्योएनिमा भएको आगजनीमा निर्दोष नागरिक मारिएकामा गहिरो दुःख व्यक्त गरेका छन् ।

जापानका प्रधानमन्त्री सिन्जो आबेलाई शुक्रवार एक शोक सन्देश पठाउँदै प्रधानमन्त्री ओलीले मृतकका परिवारजनमा समवेदना व्यक्त गरेका छन् ।


Advertisement

साथै उनले घाइतेहरूको शीघ्र स्वास्थ्यलाभको कामना पनि गरेका छन् ।


Advertisement

कला र सृजनाको लोकप्रियस्थल क्योएनिमा भएको अमानवीय आक्रमणबाट आफू स्तब्ध एवं चकित भएको उल्लेख गर्दै सन्देशमा प्रधानमन्त्री ओलीले दोषीलाई कानूनको कठघरामा उभ्याइनेमा आफू विश्वस्त रहेको बताएका छन् ।

क्योएनिमा बिहीबार बिहान भएको आगजनीमा परी ३३ जनाको मृत्यु हुनुका साथै ३६ जना घाइते भएका थिए ।

कमेन्ट गर्नुहोस्