एउटै नम्बरको अवैध भारतीय रुपैयाँसहित २ जना पक्राउ

लखन चाैधरी
लखन चाैधरी

लखन चौधरी लोकान्तरका लागि सुदूरपश्चिम प्रदेश प्रतिनिधि हुन् । 

धनगढी- अवैध भारतीय रुपैयाँसहित २ भारतीयलाई प्रहरीले नियन्त्रणमा लिएको छ ।

भारतको लखिमपुर खिरी बस्ने श्रवण कुमार सिंह र गुरुजित सिंहलाई शुक्रवार नियन्त्रणमा लिएको प्रहरीले शनिवार सार्वजनिक गरेको हो । 


Advertisement

जिल्ला प्रहरी कार्यालय कैलालीका प्रहरी नायव उपरीक्षक दल कुमार बस्नेतका अनुसार धनगढी उपमहानगरपालिका–१ मा अवैध भारतीय रुपैयाँको कारोबार गरिरहेको भन्ने सूचनाको आधारमा उनीहरू पक्राउ परेका थिए ।

उनीहरूको साथबाट प्रहरीले १ सय दरका ५ किसिमका नोट नम्बर भएको ४० हजार ९ सय नक्कली रुपैयाँ बरामद गरेको छ ।


Advertisement

प्रहरीका अनुसार उनीहरूबाट माहात्मा गान्धीको फोटो भएको 6BW81760 नम्बर उल्लेख भएको भारतीय १ सय दरका ९४ थान, 68W81761 नम्बर उल्लेख भएको २० थान, 6BW81762 नम्बर उल्लेख भएको ९४ थान, 6BW81763  नम्बर उल्लेख भएका ८६ थान, 6BW81764 नम्बर उल्लेख भएका १ सय १५ थान बरामद गरिएको हो । 

नक्कली नोटबारे थप अनुसन्धान जारी रहेको प्रहरी नायव उपरीक्षक दक्ष कुमार बस्नेतले जानकारी दिए ।

कमेन्ट गर्नुहोस्