कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
काठमाडौँ - सत्तारूढ दल नेपाल कम्युनिस्ट पार्टी (नेकपा)को एकताप्रक्रियामा महत्त्वपूर्ण खुड्किलो मानिएको विभागको बाँडफाँडमा कुनै सहमति जुट्न नसकेपछि पटक-पटक बसेको सचिवालय बैठक अनिर्णित बनेको छ । सोमवार दिउँसो ३ बजे डाकिएको बैठकले पनि कुनै निर्णय गर्न सकेन ।
बैठकपछि प्रवक्ता नारायणकाजी श्रेष्ठ हसिलो मुद्रामा प्रस्तुत भए । बैठक आगामी दुई सातासम्म स्थगित भएको जानकारी सञ्चारकर्मीहरूलाई सुनाउँदा श्रेष्ठ खुसी देखिएका थिए ।
श्रेष्ठले सबै केन्द्रीय निकाय सल्लाहकार समिति, राष्ट्रिय परिषद्, केन्द्रीय आयोग, ज्येष्ठ कम्युनिस्ट मञ्च, केन्द्रीय विभाग, केन्द्रीय जनवर्गीय संगठनको एकीकरण, जिम्मेवारी निर्धारण र केन्द्रीय कमिटीका सदस्यको कार्यविभाजनका निम्ति रुचिका प्राथमिकताका बारेमा सोध्ने, सल्लाह गर्ने र व्यवस्थित र परिमार्जित प्रस्ताव ल्याउने गरी साउन २८ गते ३ बजेसम्मका लागि बैठक स्थगित गरिएको जानकारी दिए ।
पेचिलो बनेको स्कूल विभागको नेतृत्वको विवाद सचिवालय बैठक दुई सातासम्म स्थगित भएपछि अस्थायी रूपमा मत्थर भएको छ । 'साउन २८ सम्म आन्तरिक सहमति गर्ने प्रयास हुनेछ,' एक सचिवालय सदस्यले भने, 'साउन २८ गतेको बैठकमा विवाद देखिएका विषयमा वैकल्पिक प्रस्ताव ल्याउने र त्यसउपर छलफल भएर एकताका काम टुंग्याउने गरी अघि बढ्ने सहमति भएको हो ।'
नेताहरूलाई १५ दिन हाइसन्चो
बैठक सकिएपछि बाहिर निस्किएका अधिकांश सचिवालय सदस्यहरूको अनुहारमा खुसी थियो । अरू दिन निन्याउरो देखिने अध्यक्ष पुष्पकमल दाहाल 'प्रचण्ड' पनि सोमवारको बैठकमा हसिलो देखिए । सञ्चारकर्मीहरूले बोल्न आग्रह गर्दा बोल्न भने मानेनन् ।
महत्त्वपूर्ण विभागहरूमै सहमति नजुटेपछि शीर्ष नेताहरू प्रायः तनावमा देखिन्थे । प्रत्येकदिन जसो बालुवाटारमा अनौपचारिक छलफल चल्ने गर्थ्यो । छलफलमा सहमति जुट्ला कि भन्ने आशाले महासचिव विष्णु पौडेलले सचिवालय बैठक डाक्ने गर्थे । तर सचिवालय बैठक पटक-पटक स्थगित भयो ।
गत साउन ५ गते आइतवार बसेको बैठकले जिल्ला इञ्चार्ज र सह-इञ्चार्जको टुंगो लगाएको थियो । विभागहरूको नेतृत्व पनि सोही बैठकले टुंगो लगाउने अपेक्षा गरिएको थियो । तर बैठक दुई दिनपछि अर्थात् ७ गते मंगलवार बोलाइयो ।
७ गते बैठक हुनुभन्दा पहिला पूर्व एमालेका शीर्षस्थ नेताहरूबीच बालुवाटारमा घनिभूत छलफल भयो । सँगसँगै प्रचण्ड निवास खुमलटारमा पनि पूर्व माओवादीका नेताहरू भेला भए । दुवै पक्षले स्कूल विभागमा आफ्नो दाबी पेश गर्ने गरी सहमति गरेर सचिवालय बैठकमा जाने तयारी गरेका थिए । तर बैठक बस्न सकेन ।
बैठकलाई पुनः ९ गते बिहीवारका लागि सारियो । तर त्यो बीचमा पनि कुनै सहमति हुन सकेन त्यसपछि १२ गतेका लागि सारियो तर त्यो बैठक पनि भोलिपल्ट बस्ने भन्दै स्थगित भयो । सोमवार बसेको बैठकमा सहमति हुने अपेक्षा गरिएको थियो, तर कुनै सहमति हुन सकेन ।
अध्यक्षद्वय विदेश भ्रमणमा
अध्यक्षद्वय ओली र दाहाल क्रमशः सिंगापुर र दुवई भ्रमणमा निस्किन थालेका हुन् । ओली आगामी साउन १८ गते सिंगापुर जाँदैछन् । उनी ७ दिनका लागि नीजि उपचारका क्रममा सिंगापुर जान लागेका हुन् ।
त्यस्तै अध्यक्ष प्रचण्ड भने भोलि नै दुवई भ्रमणमा निस्किने तय भएको छ । प्रचण्ड निकट स्रोतका अनुसार उनी परिवारसहित दुवई भ्रमणमा जान लागेका हुन् । अध्यक्ष प्रचण्ड व्यक्तिगत घुमघामका लागि दुबई जान लागेका हुन् ।
पार्टी भित्र लामो समयसम्म पनि विवादको हल हुन नसकेपछि प्रायः सबै शीर्ष नेताहरू तनावमा थिए । त्यही तनाव व्यवस्थापन गर्न प्रचण्ड 'फ्रेस' हुन सपरिवार दुबई भ्रमणमा निस्केका हुन सक्छन् । पछिल्लो समयमा प्रधानमन्त्री ओलीको स्वास्थ्यस्थिति पनि कमजोर देखिएको छ । आफू अस्थायी रूपमा अस्वस्थ रहेको स्वयं प्रधानमन्त्रीले केही दिनअघि खुलासा गरेका थिए ।
विवादबारे छलफल नै भएन सोमवारको बैठकमा
अनौपचारिक रूपमा बाक्लिएको भेटघाटमा कुनै सहमति हुन नसकेपछि सोमवारको सचिवालय बैठक बस्नुभन्दा अगाडि नै नेताहरू विवादका बारेमा छलफल नगर्ने 'मुड'मा थिए । स्रोतका अनुसार प्रधानमन्त्री समेत रहेका अध्यक्ष ओलीले आज विवादका बारेमा छलफल नगर्ने प्रस्ताव लगे । ओलीको उक्त प्रस्तावलाई अन्य सदस्यहरूले तत्काल 'हुन्छ' भने ।
ओलीकै कारण यसअघि सचिवालय बैठक पटक-पटक स्थगित भएको थियो । सोमवारको बैठकमा पनि ओलीले विवादका बारेमा कुनै छलफल नगर्ने प्रस्ताव गरे ।
अध्यक्ष ओली र प्रचण्डले यसअघि असारमै एकताप्रक्रिया टुंग्याउने सार्वजनिक प्रतिवद्धता गरेका थिए । तर असारमा एकता प्रक्रिया टुंगिन सकेन । केही दिनअघि पार्टी कार्यालय धुम्बाराहीमा नरबहादुर कर्मचारीको स्मृति दिवसमा बोल्दै प्रचण्डले साउनसम्म एकताप्रक्रिया टुंग्याएर जनतामाझ जाने अभियान संचालन गर्ने बताए ।
नेताहरूबीच पटक-पटकको प्रयासबाट पनि सहमति हुन नसकेपछि नेकपाका नेता तथा कार्यकर्ताहरू निराश बनेका छन् ।
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...