×

NMB BANK
NIC ASIA

काठमाडौं – झण्डै ५ महिनादेखि प्रधानमन्त्री केपी शर्मा ओलीले नै सम्हाल्दै आएको संस्कृति पर्यटन तथा नागरिक उड्यन मन्त्रीको जिम्मेवारी योगेश भट्टराईले पाएका छन् ।

Sagarmatha Cement
Muktinath Bank

गत फागुन १५ गते हेलिकप्टर दुर्घटनामा परी तत्कालीन पर्यटनमन्त्री रविन्द्र अधिकारीको निधन भएपछि सो मन्त्रालय प्रधानमन्त्रीकै मातहतमा चलिरहेको थियो ।


Advertisment
RMC TANSEN
IME BANK INNEWS
shivam ISLAND

खाली भएको ५ महिनापछि पर्यटन मन्त्रालयले भट्टराईलाई नयाँ मन्त्रीको रूपमा पाएको छ ।


Advertisment
Nabil box
Kumari

राष्ट्रपति विद्यादेवी भण्डारीबाट बुधवार मन्त्रीको शपथ लिएका भट्टराई आफ्ना समकालीन नेताहरूमध्ये निकै ढिला मात्र मन्त्री बन्न सफल भएका छन् ।

Vianet communication
Laxmi Bank

२०२३ सालमा ताप्लेजुङको साँघुमा जन्मेका भट्टराई २०५१ सालमा तत्कालीन एमाले निकट विद्यार्थी संगठन अनेरास्ववियूको अध्यक्ष बनेका थिए । 

भट्टराईसँग मन्त्री बनेको अनुभव छैन । उनी मन्त्रीका रूपमा पहिलोपटक सिंहदरबार छिरेका छन् ।

संविधान सभाका निर्वाचन २०६४ र २०७० मा काठमाडौं क्षेत्र नम्बर ६ बाट पराजित भट्टराई प्रतिनिधि सभाको गएको चुनावमा ताप्लेजुङबाट भारी मतका साथ विजयी बनेका थिए ।

भट्टराई पार्टीभित्र स्वच्छ छवीका युवा नेता मानिन्छन् । यद्यपि उमेरले भने ५ दशक काटिसकेका छन् । 

चुनाव प्रचार-प्रसारका क्रममा तत्कालीन एमालेका अध्यक्ष केपी शर्मा ओलीले भाषण गर्दै भनेका थिए, 'तपाईंहरू योगेशलाई जिताएर पठाउनुस्, म मन्त्री बनाएर ताप्लेजुङ फिर्ता गरिदिन्छु ।'

जनताले भट्टराईलाई चुनाव जिताएर त पठाए तर भट्टराईले करीब २ वर्षपछि मन्त्री बन्ने अवसर पाएका छन् । 

सरकारको आलोचक भनेर चिनिएका भट्टराईले पछिल्लो समयमा प्रधानमन्त्री ओलीसँग सुमधुर सम्बन्ध कायम गर्न सफल भएका थिए ।

गत पुसमा सम्पन्न नेकपाको स्थायी कमिटी बैठकमा भट्टराईले सरकार र पार्टी नेतृत्वको चर्को आलोचना गरेका थिए । 

चुनौतीपूर्ण जिम्मेवारी

पर्यटन देशको प्रमुख आर्थिक स्रोत हो । तर यसअघि पर्यटन मन्त्रालय पटक-पटक विवादमा परेको छ । 

अहिले पनि भट्टराईलाई पुरानै विवाद समाधान गर्नुपर्ने र नयाँ केही गरेर देखाउनुपर्ने चुनौती आइलाग्ने पक्का छ । 

स्वर्गीय रविन्द्र अधिकारी सहित पर्यटन मन्त्रालय सम्हालेका यसअघिका कतिपय मन्त्री विवादमा पर्ने गरेका थिए । 

अधिकारी अघिका पर्यटन मन्त्री जितेन्द्रदेव नारायण देव र जीवनबहादुर शाही दुवैले आफ्नो कार्यकाल पूरा गर्न पाएका थिएनन् । बरू कतिपय विवादास्पद् निर्णयका कारण मन्त्रीसँगै मन्त्रालय समेत  विवादमा परेको थियो । 

यसअघिका मन्त्री अधिकारीले शपथ ग्रहण लगत्तै पदभार गर्दै सन् २०२० लाई भ्रमण वर्षका रूपमा मनाउने निर्णय गरेका थिए । १५ लाख पर्यटक नेपाल भित्र्याउने अधिकारीको सपना भट्टराईले पूरा गर्छन् या गर्दैनन् त्यो त समयले बताउला तर भट्टराईसमक्ष धेरै चुनौतीका चाङहरू रहेका छन् । 

सरकार केही गरेर देखाउनुपर्ने दबाबमा छ भन्ने राम्रोसँग बुझेका छन्, भट्टराईले । पछिल्लो समयमा केही विधेयक र निर्णयका कारण सरकारको लोकप्रियताको ग्राफ ओरालो लागिरहेको छ । यस्तो अवस्थामा मन्त्री बनेर तत्कालै केही गरेर देखाउनु पर्ने दबाबमा भट्टराई पनि पर्नेछन् ।

सिंहदरबारभित्र प्रायः नेकपाको संसदीय दलको कार्यालयवरिपरी भेटिने भट्टराईले आफू अहिल्यै मन्त्री नबन्ने बताउँदै आएका थिए ।

लोकान्तरसँग कुरा गर्दै केही महिनाअघि उनले भनेका थिए, 'म अहिल्यै मन्त्री बनेर जनताबाट टाढा हुन चाहन्नँ ।' तर समयले उनको चाहना पनि परिवर्तन गरिदियो । 

भट्टराईले अब मन्त्री बन्नु भनेको जनताबाट टाढा हुनु हैन भनेर पुष्टि गर्नुपर्नेछ ।

सरकारमाथि आफ्नै पार्टीका नेताहरूबाट आलोचनाको वर्षा हुन थालेपछि प्रधानमन्त्री ओलीले केही समययता आलोचक नेताहरूसँग भेटवार्ता गरिरहेका थिए ।

त्यही श्रृंखलामा भट्टराईलाई पनि बोलाएर ओलीले परामर्श लिए । आफ्ना आलोचकहरूलाई खासै वास्ता नगर्ने प्रधानमन्त्री ओलीले आफ्नो कार्यशैली बदलिएको संकेत दिन खोजेका छन् ।

hAMROPATRO BELOW NEWS
TATA Below
मंसिर २४, २०८०

 नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...

मंसिर ८, २०८०

‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...

कात्तिक २०, २०८०

नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...

कात्तिक २२, २०८०

दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...

मंसिर १५, २०८०

नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...

कात्तिक १८, २०८०

नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् ।  विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x