फागुन २८, २०७९
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
काठमाडौं– निर्वाचन आयोगको सुझाव अनुसार मन्त्रिपरिषद्को बैठकले १४ मंसिरमा उपनिर्वाचन गर्ने निर्णय गर्यो । यससँगै ५० स्थानीय तह, प्रदेश र प्रतिनिधि सभाका रिक्त स्थानमा नयाँ जनप्रतिनिधि छान्न चुनाव हुने भएको छ ।
बिहीवार निर्वाचन आयोगले तीनवटै तहमा प्रतिनिधित्व गर्ने १८ दललाई आयोगको कार्यालयमा बोलाएर निर्वाचनको मिति, प्रक्रिया र कानूनी व्यवस्थासम्बन्धी विषयमा परामर्श गरेको थियो । उपस्थित भएका राजनीतिक दलका प्रतिनिधिहरूले मंसिरमा निर्वाचन गर्न उपयुक्त हुने सुझाव दिएका थिए ।
सोही सुझाव अनुसार सरकारले मंसिर १४ गतेका लागि उपनिर्वाचनको मिति तोक्यो ।
प्रतिनिधि सभामा एक, प्रदेश सभामा तीन स्थान रिक्त
नेकपाका प्रतिनिधि सभा सदस्य रवीन्द्र अधिकारीको गत फागुनमा दुर्घटनामा परी निधन भएपछि कास्की क्षेत्र नम्बर २ खाली छ ।
प्रदेश सभामा खाली रहेका ३ सीटमध्ये दाङ ३ (ख), भक्तपुर १ (ख), बाग्लुङ २ (ख) का सीटहरूमा पनि निर्वाचन गर्नुपर्ने छ ।
दाङबाट निर्वाचित उत्तरकुमार वलीको कार दुर्घटनामा परी निधन भएको थियो, भक्तपुरका हरिशरण लामिछानेको उपचारका क्रममा मृत्यु भएको थियो भने बाग्लुङका टेकबहादुर घर्तीको पनि बिरामी भएर मृत्यु भएको थियो ।
धरान उपमहानगरपालिकाका प्रमुख तारा सुब्बाको पनि बिरामी परी निधन भएको थियो ।
महोत्तरीको पिपरा गाउँपालिका, संखुवासभाको मकालु गाउँपालिका र पाँचथरको फाल्गुनन्द गाउँपालिकाको प्रमुखको सीटमा पनि निर्वाचन गर्नुपर्नेछ ।
यसैगरी हुम्लाको खार्पूनाथ गाउँपालिका उपाध्यक्ष पदमा पनि निर्वाचन गर्नुपर्ने छ । अन्य ३६ जिल्लाका ४१ वडाध्यक्ष पद पनि खाली छन् ।
सरकारको अलोकप्रियताका बीच चुनाव
पछिल्लो समयमा सरकारले ल्याएका केही विधेयक र गरेका केही निर्णयहरू विवादमा परेपछि सरकारको लोकप्रियता घटेको मानिएको छ ।
विगतमा आफ्नो लोकप्रियता घटेको अवस्थामा राजनीतिक दलहरू चुनाव गर्न मान्दैनथे । तर निर्वाचन आयोगको सुझाव अनुसार सरकारले मंसिर १४ गते उपनिर्वाचन गर्ने मिति समेत तोकिसकेको छ ।
यो चुनावले नेकपा सरकारप्रति जनताको धारण बुझ्न सहयोग पुग्ने अपेक्षा गर्न सकिन्छ । केपी शर्मा ओली नेतृत्वको वर्तमान सरकारका लागि यो परीक्षाको घडी समेत हो ।
सरकार अलोकप्रिय बनेको अवस्थामा हुने उपनिर्वाचनमा प्राय: विपक्षीलाई फाइदा हुने गरेको पाइन्छ ।
नेपालमा हाल स्थानीय तहमार्फत् कर बढाएर जनताको ढाड सेकेको भन्दै आलोचना हुँदै आएको छ ।
विदेशमा हुनेले पनि पाउलान् भोट हाल्न ?
निर्वाचन आयोगले बिहीवार बोलाएको सर्वदलीय बैठकमा इलेक्ट्रोनिक भोटिङ मेसिन (ईभीएम) प्रयोग गर्नुपर्ने र विदेश रहेका नेपाली नागरिकहरूले पनि भोट हाल्न पाउने गरी व्यवस्था गर्न केही दलले आयोगलाई सुझाव दिएका थिए ।
विदेशस्थित नेपाली नागरिकहरूले भोट हाल्न पाउने व्यवस्था गर्न विभिन्न दलहरूले पहिलादेखि नै माग गर्दै आइरहेका थिए । तर खर्च र व्यवस्थापनको हिसाबले यो जटिल प्रक्रिया रहेको निर्वाचन आयोगले जनाएको छ ।
दलहरूले दिएको सुझावलाई मनन गर्ने निर्वाचन आयोगका उपसचिव सूर्यप्रसाद अर्यालले बताए ।
आयोगले २०६४ र २०७० सालको संविधानसभा सदस्य निर्वाचन तथा उपनिर्वाचनमा गरी १२ वटा निर्वाचन क्षेत्रमा इलेक्ट्रोनिक भोटिङ मेसिन (ईभीएम)को प्रयोग गरेको थियो ।
७० सालको चुनावपछि निर्वाचन आयोगले त्यसपछिका निर्वाचनमा मेसिन प्रयोग गर्ने नीतिगत निर्णय नै गरेको थियो । तर २०७४ सालको निर्वाचनमा पनि निर्वाचन आयोगले मेसिन प्रयोग गर्न सकेन ।
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...