नीति नै संशोधन गर्न बाध्य राष्ट्र बैंक - एटीएमबाट अब कति निकाल्न पाइन्छ ?

काठमाडौँ - नेपाल राष्ट्र बैंकको भुक्तानी प्रणाली विभागले एटीएमबाट पैसा निकाल्न सकिने यसअघिको प्रावधानलाई परिवर्तन गरेको छ ।

चिनियाँ ह्याकरहरूले नेपालका एटीएमबाट डेढ करोड बढी रकम लुटेपछि राष्ट्रबैंकले एटीएमबाट निकाल्न सकिने अधिकतम रकमलाई संशोधन गरी ६० हजारमा झारेको छ । यस अघि एकपटकमा २५ हजार निकाल्न सकिने व्यवस्था थियो भने एक दिनमा एटीएम प्रयोगकर्ताले १ लाख सम्म निकाल्न सक्थे ।


Advertisement

राष्ट्र बैंकले बिहीवार एक विज्ञप्ति जारी गरी भुक्तानी सम्बन्धी कार्य गर्ने संयन्त्रलाई प्रदान गरिने अनुमति नीति २०७३ का केही बुँदाहरू संशोधन गरेको हो ।

'०५/०७५ को निर्देशनको बुँदा नम्बर १.१ मा संशोधन डेबिट कार्डबाट न्यूनतम प्रति कारोवार ५०० देखि अधिकतम २० हजार सम्म नगद झिक्न पाइने छ,' राष्ट्र बैंकले जारी गरेको विज्ञप्तिमा उल्लेख छ, 'तर प्रतिदिन अधिकतम रू ६० हजार भन्दा बढी नगद झिक्न पाइने छैन ।'


Advertisement

राष्ट्र बैंकले बैंक तथा वित्तीय संस्थाहरूले नगद व्यवस्थापन, भौगोलिक अवस्था, सुरक्षा अवस्था र विशेष परिस्थिति समेतलाई ध्यानमा राखी तोकिएको रकमको सीमा भने घटाउन सक्ने उक्त विज्ञप्तिमा उल्लेख गरिएको छ ।

यसरी डेबिट कार्डबाट रकम झिक्दा लाग्ने सेवा शुल्क अनिवार्य गर्नुपर्ने राष्ट्र बैंकको भनाइ छ । 'बैंक तथा वीत्तीय संस्थाहरूले 'इस्युअर' र 'एक्वाइयर' फरक संस्था भई डेबिट कार्डबाट रकम झिक्दा कारोबारमा लिने सेवा शुल्क अनिवार्य रूपमा सार्वजनिक गर्नुपर्ने छ,' विज्ञप्तिमा भनिएको छ ।

हेर्नुहोस् विज्ञप्ति  -

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्