बुटवल– पूर्व पश्चिम महेन्द्र राजमार्ग अन्तर्गत पश्चिम नवलपरासीको दाउन्नेमा बिहीबार बिहान यात्रुबाहक बसमा आगजनी भएको छ । 

कञ्चनपुरको महेन्द्रनगरबाट काठमाडौंतर्फ जाँदै गरेको ना ६ ख ८४५३ नम्बरको बसमा बर्दघाट नगरपालिका वडा नम्बर ४ खुुर्सानी खोलामा बिहान ५ बजे आगजनी भएको हो । 

प्रदेश पाँच ट्राफिक प्रहरी कार्यालय बुटवलका डिएसपी रामप्रकाश शाहले गाडीलाई साइड लगाएर बाटो अबरोध नहुुने गरी आगजनी गरेको भेटिएको लोकान्तरलाई बताए ।
 
‘गाडीलाई साइड लगाएर आगजनी भएको छ’ शाहले लोकान्तरसँग भने, ‘बाटो अवरोध छैन । यात्रु सकुशल छन् । कस्ले के कारणले गाडीमा आगजनी गर्‍यो खुल्न सकेन । हामी अनुसन्धान गर्दैछौं ।’  घटनामा संलग्नहरुको खोजी कार्य भइरहेको शाहले बताए ।