एसिडपीडित मुस्कानलाई बलिउड नायक वरुण धवनले पठाए सन्देश [भिडियोसहित]

काठमाडौं – एसिड आक्रमणमा परेकी किशोरी मुस्कान खातुनलाई बलिउड नायक वरुण धवनले भिडियो सन्देश पठाएका छन् ।

बलिउड नायिका कृति स्याननले समेत मुस्कानलाई भिडियो कल गरेकी छन् । कृति र वरुण मुस्कानका मनपर्ने नायक/नायिका हुन् ।


Advertisement

मुस्कानको अवस्थाबारे कृतिमार्फत थाहा पाएपछि वरुणले मुस्कानका लागि रेकर्ड गरेको भिडियो निर्देशक जुनैद मेमोनले ट्वीटरमा राखेका छन् ।

भिडियोमा वरुणले मुस्कान छिट्टै निको भएर आफ्नो पढाइमा फर्किने विश्वास व्यक्त गरेका छन् ।

साथै उनले निको भएपछि आफूलाई भेट्न आउन आग्रह पनि गरेका छन् ।

हेर्नुहोस्, भिडियो :

जुनैदका मनपर्ने गायक राजु लामाले उनलाई अस्पतालमै पुगेर भेटेका थिए ।

भेटमा राजुले 'तिमीलाई देखेर हिमाल हाँसेको ...' बोलको गीत समेत गाएका थिए ।

९ कक्षामा अध्ययनरत १४ वर्षीया मुस्कानमाथि गत महिना वीरगञ्जमा एसिड प्रहार भएको थियो ।

कमेन्ट गर्नुहोस्