दशैंमै भेटियो मासु पसलमा कुहिएको मासु !

भक्तपुर–नेपालीहरुको महानपर्व दशैंमा खास गरेर मासुको पर्वका रुपमा हेरिँदै आएको छ । यस समयमा अत्यधिक मासु खपत हुने गरेको छ ।

अझ व्यापारीहरुले समेत दशैंको बेला अत्यधि मासु विक्री गर्दै आएका छन् । तर, यही बेलामा नाफाको लोभमा कुहिएको मासु विक्री गर्ने गरेको भेटिएको छ ।


Advertisement

भक्तपुर नगरपालिकाले गरेको बजार अनुगमनको क्रममा कुहिएको मासु विक्री गर्ने गरेको पाइएको हो ।

भक्तपुर नगरपालिकाले शुक्रवार मासु पसलहरुमा अनुगमन गर्दा कुहिएको मासु भेटिएपछि नष्ट गरेको जानकारी दिएको छ । नगरपालिकाका पसल अनुगमन समितिका संयोजक राजकृष्ण गोराको संयोजकत्वमा कमलविनायक, व्यासी र भुलाछें लगायतका क्षेत्रमा शुक्रवार अनुगमन गरिएको थियो । त्यस क्रममा अधिकांश फोहोर मासु पसल, न्यूनतम मापदण्डसमेत नपु¥याई सञ्चालनमा रहेका पाइएको थियो ।


Advertisement

त्यसक्रमा हरी खड्कीले सञ्चालन गरेको राँगाको मासु पसल दर्ता नगरि सञ्चालन गरेको, पटक पटक दिइएको निर्देशन पालना नगरेको, फ्रिजमा कुहिएको र बिग्रेको मासु राखिराखेको पाइएको निरीक्षक रामकृष्ण प्रजापतिले बताए ।
अनुगमन टोलीले उक्त पसलबाट कुहिएको र सडेको मासु नष्ट गरेको, फ्रिज सफा गर्न, पसल सरसफाइ गरी व्यवस्थित गर्न, मासु धुलो र झिँगा नभन्किने गरी जालीले छोपेर राख्न, बासी र बिग्रेको मासु नबेच्न, एप्रोन सेतो अनिवार्य प्रयोग गर्न निर्देशन दिएको जानकारी दिएको छ ।

त्यस्तै जयकाली मिट शप पसलले नवीकरण नगरेको, मासु काट्ने औजार खिया लागेको, पसल फोहर भएका, एप्रोन प्रयोग नगरेको, कुहिएको र बिग्रिएको बासी मासु बिक्रीमा राखेको पाइएपछि कुहिएको चार किलो मासु नष्ट गरिएको अनुगमन टोलीले जानकारी दिएको छ ।

त्यसैगरी महाकाली मिट शप पसलले पसल दर्ता नवीकरण नगरेको, फ्रिजमा भेज र मासु छुट्टाछुट्टै नराखेको, एप्रोन, हेयरनेट, माक्स र पञ्जा प्रयोग नगरेको, बधस्थलमा फोहर र दुगन्र्धित भएको पाइएको छ ।
त्यस्तै विकास मिट एप्रोन प्रयोग नगरेको, सुरेन्द्र मिट हाउसमा मासु सफा गर्ने पानी एकदम दूषित भएको, सराज मिट शप दर्ता नवीकरण नगरेको,  मूलढोका ब्रोइलर हाउस दुई वर्षदेखि पसल नवीकरण नगरेको, मूल्यसूची नराखेको निरीक्षक प्रजापतिले बताए ।

अनुगमनमा समितिका सदस्यसचिव दिलीपकुमार सुवाल, भनपा स्यानिटेशन उपशाखाका वनि रामकृष्ण प्रजापति, पशु सेवा शाखाका लालमती लामा, राष्ट्रिय उपभोक्ता मञ्चबाट मनोज थापा, उद्योग वाणिज्य संघका सञ्जय जोन्छे, महानगरीय प्रहरी परिसरका राजबहादुर डगौरा र नगरपालिकाका कर उपशाखाका न्हुज किजूको सहभागिता रहेको थियो । रासस
 

कमेन्ट गर्नुहोस्