भारतको जुनागढमा भत्कियो पुल, ४ जना घाइते (भिडियो)

काठमाडौं – भारतको गुजरातमा रहेको जुनागढमा सोमवार ६० फीट लामो पुल भत्किँदा कम्तीमा चारजना घाइते भएको एक अधिकारीले बताएका छन् । 

आइतवार बेलुका पुल भत्किएपछि पुलमा गुडिरहेका केही वाहनहरू अड्केका थिए । उक्त क्षेत्रको सवारी आवागमनमा बाधा पुगेको थियो । 


Advertisement

पुलले वन्यजन्तु आरक्ष भएको सासान–गिर र जुनागढको मेन्दर्दा शहरलाई जोड्थ्यो । पुल ४० वर्षअघि मलंक गाउँमा बनाइएको थियो । 

‘आइतवार बेलुका पुल भासिएपछि चारजना घाइते भएका छन्,’ कलेक्टर सौरभ पार्धीले बताए । 


Advertisement

भत्किएर चोक्टिएका स्ल्याबमुनि दुईवटा कार र तीनवटा दुईपांग्रेहरू फसेको र पछि तिनलाई निकालिएको पार्धीले जानकारी दिए । 

एजेन्सी
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्