×

NMB BANK
NIC ASIA

काठमाडौं – २२ जनालाई जिउँदै इँटाभट्टामा हालेर हत्या गरेको आरोपमा पक्राउ परेका कांग्रेस सांसद आफ्ताब आलमका सम्बन्धमा सभापति शेरबहादुर देउवाले बोलेको कुराले कांग्रेसलाई 'ब्याकफायर' गरेको छ ।

Sagarmatha Cement
Muktinath Bank

सभापति देउवाले शुक्रवार पार्टीको नीति तथा प्रशिक्षण प्रतिष्ठानले मध्यपुरठिमीमा आयोजना गरेको कार्यक्रममा १२ वर्षपछि आलमलाई पक्राउ गरेर कम्युनिस्ट सरकारले लोकतन्त्र मास्न खोजेको आरोप लगाएका थिए । 


Advertisment
RMC TANSEN
IME BANK INNEWS
shivam ISLAND

लोकतन्त्र र विधिको शासनको पैरवी गर्ने कांग्रेसका सभापति देउवाले दिएको अभिव्यक्तिको चौतर्फी आलोचना भइरहेको छ । आलोचनापछि शनिवार एक विज्ञप्ति जारी गर्दै देउवाले कांग्रेसले अनुसन्धानमा सहयोग गर्ने प्रतिबद्धता जारी गरे । तर कांग्रेसलाई २४ घण्टाभित्र पुगेको क्षति न्यूनीकरण गर्न विज्ञप्तिले उल्लेखनीय भूमिका खेलेको छैन । 


Advertisment
Nabil box
Kumari

हतारमा बोलिहाल्ने र फुर्सदमा पछुताउने नेपाली राजनीतिक नेतृत्वको ठूलो कमजोरीबाट कांग्रेस सभापति देउवा अछुतो रहेनन् । यो प्रकरणले उपनिर्वाचनको मुखैमा आलमको प्रतिरक्षा गर्न खोजेका देउवा र उनको पार्टी कांग्रेसलाई राजनीतिक घाटा पुग्ने निश्चित छ ।

Vianet communication
Laxmi Bank

आलम प्रकरणमा कांग्रेसमा ३ धार ! 

आलम प्रकरणमा कांग्रेसभित्र ३ धार देखा परेको छ । पहिलो धार आलमको बचाउमा केन्द्रित छ । दोस्रो धार निष्पक्ष अनुसन्धान गर्न सघाउने पक्षमा र तेस्रो धार अहिल्यै केही नबोल्ने पक्षमा देखिन्छ । 

पहिलो संविधानसभाको निर्वाचनताका गृहमन्त्री कृष्णप्रसाद सिटौला थिए । रौतहटमा भएको नरसंहारका विषयमा सिटौला जानकार नहुने कल्पना पनि गर्न सकिन्न । 

अझ तत्कालीन रौतहट प्रहरी प्रमुख लक्ष्मण न्यौपाने (जो पछि टिकापुर काण्डमा मारिए) ले घटनास्थल सिल गरेको र घाइतेलाई स्कर्टिङ गरेर इँटाभट्टासम्म लैजान सहयोग गरेको आरोप मृतकका आफन्तको छ ।

देउवासँगै शुक्रवारको कार्यक्रममा उपस्थित सिटौलाले पनि सरकारले कांग्रेसविरुद्ध निरन्तर प्रहार गर्न खोजेको र पछिल्लो कडी आलमलाई पक्राउ गरेको भन्दै सरकारको आलोचना गरे । यद्यपि सिटौलाले त्यसपछि कुनै वक्तव्य जारी गरेर आफ्नो भनाइ फिर्ता लिएका छैनन् । 

सभापति देउवा र नेता सिटौलाको शुक्रवारको अभिव्यक्ति जिब्रो चिप्लिएर बाहिर नआएको कांग्रेसका कतिपय नेताहरूको बुझाइ छ ।

'आलम पहिला तत्कालीन सभापति गिरिजाप्रसाद कोइरालाका दाहिने हात थिए,' कांग्रेसका एक केन्द्रीय समिति सदस्यले लोकान्तरसँग भने, 'अहिले पनि उनी कांग्रेसभित्र मधेसी जनमतलाई एकढिक्का बनाएर राख्नसक्ने पात्र हुन् । यही सिलसिलामा सभापति र नेता सिटौलाले आलमको पक्षमा बोल्नुभएको हो ।' 

आफ्नो भनाइले कांग्रेसलाई ड्यामेज गर्ने देखेपछि देउवा १ सय ८० डिग्रीमा घुमेको उनले दाबी गरे । 'सामाजिक सञ्जालमा चर्को आलोचना भएपछि अनुसन्धानमा सहयोग गर्ने धारणा त आयो, तर मनमुटु भने उहाँहरूको आलमकै पक्षमा छ,' उनले भने ।

आलम प्रकरणमा दोस्रो धार निष्पक्ष छानबिनमा सहयोग गर्ने पक्षमा रहेको छ । कांग्रेसका केही युवा नेताहरू आलम पक्राउ परेदेखि नै आफूहरू स्वतन्त्र छानबिनमा सहयोग गर्ने धारणा व्यक्त गरे । तीमध्ये एक हुन् प्रवक्ता विश्वप्रकाश शर्मा । 

शर्माले आलम पक्राउ परेपछि गत असोज २७ गते नै सामाजिक सञ्जाल ट्वीटरमा अनुसन्धानलाई सघाउने प्रतिबद्धता व्यक्त गरेका थिए । आलम पक्राउ परेपछि रौतहटमा कांग्रेस कार्यकर्ताले कुनै अप्रिय घटना नघटाउन् भनेर उनले लेखेको ट्वीटलाई अर्का युवानेता गगन थापाले रिट्वीट गर्दै आफ्नो सहमति भएको जनाए । 

यसमा अर्का युवाने ता तथा केन्द्रीय समिति सदस्य चन्द्र भण्डारीको पनि सहमति छ । 'अपराधले व्यक्ति र राजनीतिक दल चिन्दैन,' आइतवार लोकान्तरसँग कुरा गर्दै भण्डारीले भने, 'आलम प्रकरणको निष्पक्ष छानबिन हुनुपर्छ भन्ने हाम्रो पार्टीको आधिकारिक धारणा हो । अहिल्यै हामीले आलम दोषी या निर्दोष छन् भनेर ठोकुवा गर्ने होइन । अनुसन्धानमा सहयोग पुर्‍याउनु सबैको कर्तव्य हो ।' 

आलम प्रकरणमा देखिएको तेस्रो धारको प्रवृत्ति 'पर्ख र हेर' हो । कांग्रेसका कतिपय नेताहरू अहिल्यै केही बोल्न चाहँदैनन् । २२ जना मारिएको आरोप लागेको भएपनि प्रमाण केही नरहेको भन्दै कतिपय नेताहरूले आलम निर्दोष सावित हुने प्रतिक्षा गरेर बसिरहेका छन् । 

नबोलेको भए राम्रो हुन्थ्यो - श्रेष्ठ 

सभापति देउवानिकट मानिने नेता गोपालमान श्रेष्ठ यो विषयमा सभापति नबोलेको भए राम्रो हुने धारणा व्यक्त गर्छन् । 

आइतवार लोकान्तरसँग कुरा गर्दै श्रेष्ठले भने, 'सभापति यो विषयमा नबोलेको भए राम्रो हुन्थ्यो । तर बोलिहाल्नु भयो । त्यसपछि शनिवार विज्ञप्ति निकालेर अनुसन्धानमा सहयोग गर्छौं भनिसक्नुभएको छ । आधिकारिक धारणा आइसकेपछि यो विषयलाई थप उचाल्ने काम गर्नु राम्रो होइन ।' 

श्रेष्ठले कांग्रेस कानूनी राज्यको विपरीत नरहेको दाबी गरे ।

'हामी कुनै पनि मुद्दामा आरोप लागेका आरोपितमाथि छानबिनमा असहयोग गर्ने कल्पना पनि गर्न सक्दैनौं,' उनले भने, 'यो नै कांग्रेसको आधिकारिक धारणा हो । यही कुरा सभापतिले शनिवार निकाल्नुभएको विज्ञप्तिमा पनि उल्लेख छ ।'

hAMROPATRO BELOW NEWS
TATA Below
पुस ६, २०८०

एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...

पुस १८, २०८०

देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...

माघ १८, २०८०

चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...

मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

माघ २, २०८०

आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...

मंसिर १९, २०८०

कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x