प्रिक्सा टेक्नोलोजीजको ‘एडलीटिक्स सफ्टवेर’ बजारमा

काठमाडौं – विगत ५ वर्षदेखि सूचना प्रविधि क्षेत्रमा सक्रिय प्रिक्सा टेक्नोलोजीजले प्रिक्सा एडलीटिक्स सफ्टवेर बजारमा ल्याएको छ ।

विज्ञापनदाता र अनलाइन सञ्चार पोर्टलको कार्यसञ्चालन र सम्बन्धलाई व्यवस्थित गर्ने विशेषता रहेको एडलीटिक्स सफ्टवेर नेपालमै पहिलो पटक निर्माण गरिएको प्रिक्साले जनाएको छ ।


Advertisement

एडलीटिक्सको अत्याधुनिक प्रविधिको मद्दतले विज्ञापनदाताले आफ्नो विभिन्न अनलाइन पोर्टलमा भइरहेका ब्यानर तथा जीआईएफ विज्ञापनको इम्प्रेसन, क्लीक र यूजरको तथ्यांक लिन सक्ने प्रिक्सा टेक्नोलोजीजका व्यापार प्रवद्र्धन प्रमुख प्रयासराज कोइरालाले जनाएका छन् ।

‘यस अर्थमा इम्प्रेसन भन्नाले एउटा विज्ञापन कति पटक हेरियो भन्ने हो भने क्लिक भन्नाले कति जनाले सो विज्ञापनमा क्लिक गरे भन्ने विवरण हो । त्यसैगरी युजरको तथ्यांक भन्नाले कति जनाले सो विज्ञापन हेरे भन्ने हो,’ प्रमुख कोइरालाले जारी गरेको विज्ञप्तिमा लेखिएको छ, ‘यसका साथै यसले विज्ञापनदातालाई पाठक/दर्शकले प्रयोग गरेको उपकरण तथा वेब ब्राउजरको तथ्यांक पनि प्रस्तुत गर्दछ ।’

एडलीटिक्सले विज्ञापनदातालाई विभिन्न अनलाइन पोर्टलमा राख्ने डिजिटल विज्ञापनलाई आफैंले राख्ने, मिलाउने र हटाउने फिचर समेत प्रदान गर्ने विज्ञप्तिमा जनाइएको छ । ‘विज्ञापनदातालाई आफ्ना विभिन्न अनलाइन पोर्टलमा रहेको सम्पूर्ण विज्ञापनको प्रगति तुलना गरी आफ्नो बजेट उपयोगिता विश्लेषण गर्नमा एडलीटिक्सले ठुलो सहयोग गर्नेछ । एडलीटिक्सले अनलाइन विज्ञापनदातालाई मात्र नभई प्रकाशकलाई पनि आफ्नो पोर्टलको विभिन्न ठाउँमा राखिने विज्ञापनको प्रगति मापन र मूल्यांकन गर्न सहयोग गर्दछ,’ विज्ञप्तिमा उल्लेख छ, ‘हालसम्म केही विज्ञापनदाता एवम् अनलाईन पोर्टलहरुको सहकार्यमा एडलीटिक्सको सफल परीक्षण गरी यस सफ्टवेर प्रयोगमा पनि आइसकेको छ ।’

विभिन्न राष्ट्रिय तथा अन्तर्राष्ट्रिय संघसंस्था तथा प्रोजेक्टको अनुभव भएका इन्जिनियारद्वारा निर्मित र साइबर सुरक्षा विज्ञद्वारा जाँच गरिएको एडलीटिक्स सफ्टवेरले नेपालको राष्ट्रिय साइबर सुरक्षा नीति एवम् अन्य कानूनको पूर्ण रुपले पालना गरेको प्रिक्साले जनाएको छ । 

‘डाटा प्राइभेसीलाई विशेषरुपमा ध्यान दिई यसको निर्माण गरिएको छ । देश डिजिटल तथा डाटाको युगतर्फ अघि बढिरहेको बेला, एडलीटिक्सले अनलाइन विज्ञापन क्षेत्रमा फड्को मार्ने विश्वास प्रिक्सा टेक्नोलोजीजले राखेको छ,’ विज्ञप्तिमा उल्लेख छ, ‘यस प्रणालीको बारेमा थप जानकारी लिन चाहनु भएमा प्रिक्सा टेक्नोलोजीजको कार्यालयमा सम्पर्क गर्न सक्नु हुनेछ ।’

कमेन्ट गर्नुहोस्