×

NMB BANK
NIC ASIA

पर्यटन

पर्यटकको पर्खाइमा सुदूरपश्चिमका मनमोहक पर्यटकीय गन्तव्य

कात्तिक १३, २०७६

NTC
Sarbottam
Premier Steels
Marvel

नेपालको वर्तमान संविधानले मुलुकमा संघात्मक शासन प्रणालीलाई सुनिश्चित गरेको छ । जुन वर्षाैंदेखि एकात्मक प्रणाली अवलम्बन गरेको मुलुकको लागि नयाँ अभ्यास पनि हो ।

Sagarmatha Cement
Muktinath Bank

नेपालको ७ नम्बर प्रदेशको नामाकरण ‘सुदूरपश्चिम प्रदेश’ गरिएको छ । यो प्रदेश अन्तर्गत साविकको सुदूरपश्चिमाञ्चल विकास क्षेत्रका सेती र महाकाली अञ्चलका ९ वटै जिल्ला पर्छन् । शासकीय दृष्टिकोणले संघात्मक प्रणालीमा प्रवेश गरेतापनि भौगोलिक एवं धरातलीय स्वरुपका दृष्टिले यो प्रदेश पुरानै सुदूरपश्चिमाञ्चल विकास क्षेत्रको हुबहु संरचनामा फैलिएको छ ।


Advertisment
RMC TANSEN
IME BANK INNEWS
shivam ISLAND

आजभन्दा २५ वर्षअघि बर्दिया र कैलाली जोड्ने कर्णाली नदीमाथि सन् १९९४ मा जापान सरकारको सहयोगमा अत्याधुनिक प्रविधिको पुल निर्माणपश्चात सुदूरपश्चिमको द्रूत विकासको अपेक्षा गरिएपनि आशातीत रुपमा आर्थिक समृद्धिका हिसाबले ‘सुदूर’को छाप हटाउन सकेन । स्रोतसाधन एवं विकासका प्रचूर सम्भावना हुँदाहुँदै पनि अझै प्रदेशमा गरीबी र बेरोजगारीको दर उच्च छ ।


Advertisment
Nabil box
Kumari

राजधानीबाट निकै टाढा रहेको र विकासका दृष्टिकोणले सीमान्तकृत भान हुने यो प्रदेशमा पर्यटकीय महत्त्वका थुप्रै अनुपम गन्तव्य छन् । जसले जोसुकै पर्यटकलाई सहजै लोभ्याउन सक्ने सामर्थ्य राख्छन् । यो प्रदेशको सर्वाङ्गीण विकासका लागि पर्यटन एक प्रमुख क्षेत्रका रुपमा सावित हुन सक्छ । यहाँ सुदूरपश्चिम प्रदेशमा रहेका प्रमुख ५ पर्यटकीय गन्तव्यको चर्चा गरिएको छ ।

Vianet communication
Laxmi Bank

१) खप्तड

सुदूरपश्चिमका ४ पहाडी जिल्ला डोटी, अछाम, बझाङ र बाजुरामा फैलिएको खप्तड राष्ट्रिय निकुञ्ज समुन्द्री सतहदेखि करीब ३ हजार मिटर उचाइमा अवस्थित प्राकृतिक छटा र सुन्दर भू–दृश्यले भरिपूर्ण अनुपम पर्यटकीय गन्तव्य हो ।

सन् १८८० मा भारतको काश्मिरमा जन्मिएका स्वामी सच्चिदानन्द, जो पछि ईलाम, कालिञ्चोक, स्वर्गद्वारी, चन्दननाथ हुँदै सन् १९४० ताका खप्तड आइपुगे र अन्ततः यो ठाउँलाई अरु ठाउँको तुलनामा ध्यान र पूजाका लागि अत्यन्तै उपयुक्त महसूस गरी सदाका लागि यहीँ स्थानमा बस्ने निधो गरे ।

पछि उहाँ ‘खप्तड बाबा’का नामले प्रख्यात हुनुभयो । ५० वर्षसम्म यो सुन्दर एवं पावन भूमिमा ‘खप्तड आश्रम’ स्थापना गरी आध्यात्मिक साधनमा समर्पित हुनुभयो । सन् १९८४ मा उहाँकै आग्रहमा सरकारले खप्तड राष्ट्रिय निकुञ्ज त स्थापना गर्‍यो तर पर्याप्त पूर्वाधार एवं प्रचारप्रसारको अभावमा बिछट्ट सुन्दर खप्तड अहिले पनि ओझेलमा परेको प्रतित हुन्छ ।

दुर्लभ वन्यजन्तु एवं औषधिजन्य बहुमुल्य वनस्पतिको समेत प्रचूर प्राप्यता भएको निकुञ्जको सुन्दरतामा मोहित नहुने शायदै कमै प्रकृतिप्रेमी होलान् । खप्तड आश्रमका अलावा वनपुष्पले सुगन्धित घाँसेमैदान, मनोरम भिराला भूदृश्य, खप्तड दह, खप्तड त्रिवेणी, गंगा दसेरा पर्व निकुञ्जका प्रमुख आकर्षण हुन् ।

२) बडीमालिका

समुन्द्री सतहदेखि करीब ४ हजार २०० मिटर उचाइमा अवस्थित बडीमालिका सुदूरपश्चिमको विकट पहाडी जिल्ला बाजुराको निकै सुन्दर धार्मिक पर्यटकीय गन्तव्यस्थल हो । विशेषतः भगवतीको आराधना गरिने मन्दिरमा हरेक वर्ष श्रावण शुक्ल चतुर्दशीमा विशेष मेला लाग्ने गर्छ । 

प्राचीनकालमा दक्ष प्रजापतिको यज्ञमा हाम फालेकी सतिदेवीको शव बोकेर महादेव डुल्दा यो ठाउँमा सतिदेवीको काँध खसेको, पछि मल्लगिरी पहाडको निर्माण भएको र कालान्तरमा यो स्थानको नाम ‘मालिका’ रहन गएको किम्बदन्ती छ । मनमोहक घाँसेमैदान, निर्मल झरना तथा सुसेली खेल्ने खोला बडीमालिकाका प्रमुख आकर्षण हुन् ।

३) शुक्लाफाँटा

सुदूरपश्चिम तराईको जिल्ला कञ्चनपुरमा अवस्थित शुक्लाफाँटा राष्ट्रिय निकुञ्ज सन् २०१७ अघि वन्यजन्तु आरक्षको रुपमा रहेको थियो । ठूल्ठूला घाँसे मैदान सहितको समथर मैदानी फाँट शुक्लाफाँटाको प्रमुख विशेषता हो । 

सबैभन्दा रोचक तथ्य त के भने बाह्रसिङ्गाको विश्वमै सबैभन्दा ठूलो बथान शुक्लाफाँटामै पाइने गर्छ । दुर्लभ पाटेबाघ, हात्ती, अजिंगर लगायत ४६ प्रजातिका स्तनधारी र ४२३ प्रजातिका चराहरू निकुञ्जमा पाइन्छन् । हात्ती सवारी एवं जंगल सफारी निकुञ्जका प्रमुख मनोरञ्जनात्मक क्रियाकलाप हुन् भने नेपालको सबैभन्दा लामो दोधाराचाँदनी झोलुङ्गे पुल पनि नजिकै छ ।

४) रामारोशन

अछाम जिल्लामा अवस्थित अद्भुत रामारोशन क्षेत्र सुदूरपश्चिमको आकर्षक पर्यटकीय गन्तव्यमध्येको एक हो । ‘बाह्र बण्ड, अठार खण्ड’का नामले पनि प्रख्यात यो ठाउँमा पुगेपछि जो कोही स्वर्गीय आनन्द महसूस गर्छन् । सुन्दर रामारोशन ताल यो क्षेत्रको प्रमुख पर्यटकीय आकर्षणको केन्द्र हो । तालसम्म नपुगुन्जेल बाटोमा पर्ने सुन्दर गुराँसले पर्यटकको थकाइ मेटाउने अचुक अस्त्रको काम गर्छन् ।

५) अपिनाम्पा

सन् २०१० मा स्थापित अपिनाम्पा संरक्षण क्षेत्र सुदूरपश्चिमको हिमाली जिल्ला दार्चुलामा अवस्थित छ । २ हिमचुचुरा ‘अपि’ र ‘नाम्पा’का नामबाट नामाकरण गरिएको संरक्षण क्षेत्रमा दुर्लभ प्रकृतिका हिमाली वनस्पति एवं जनावर पाइन्छन् ।

सुन्दर–शान्त हिमाली परिवेश एवं हिमचुचुरालाई नजिकबाट नियाल्न चाहनेका लागि निश्चय नै अपिनाम्पा उत्तम गन्तव्य सावित हुनसक्छ ।

(लेखक अध्ययनका सिलसिलामा हाल जापानको हिरोसिमा विश्वविद्यालयमा छन् ।)

hAMROPATRO BELOW NEWS
TATA Below
फागुन २९, २०८०

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...

कात्तिक २४, २०८०

मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...

कात्तिक २७, २०८०

 तिहारकाे समयमा स्वदेशी पेन्ट्सको प्रयोग गरेर सरकारी निवासहरू चिटिक्क बनाइएको छ । यदि तपाईँ अहिले शीतलनिवासस्थित राष्ट्रपति भवन, बालुवाटारस्थित प्रधानमन्त्री निवास र प्रधान न्यायाधीशको निवासमा पुग्नुभयो...

पुस ५, २०८०

काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...

कात्तिक २८, २०८०

नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...

पुस ८, २०८०

शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x