भारतीय नम्बर प्लेटको मोटरसाइकलमा आएर रौतहटको प्रहरी चौकीमा बम प्रहार

प्रतिकात्मक तस्वीर

काठमाडौं – रौतहटस्थित एक प्रहरी चौकीमा सुतली बम प्रहार भएको छ । 

रौतहटको ईशनाथ नगरपालिका वडा नम्बर–४ स्थित मठिया प्रहरी चौकीमा ड्यूटीमा रहेका प्रहरी जवानलाई लक्षित गरी बम प्रहार भएको हो ।


Advertisement

भारतीय नम्बर प्लेट बीआर ०५एच ६५०९ नम्बरको मोटरसाइकलमा आएका व्यक्तिले बम प्रहार गरेका थिए । 


Advertisement

त्यसक्रममा प्रहरी जवान रञ्जितकुमार यादव घाइते भएका छन् । उनको काखीदेखि तिघ्रासम्म सामान्य चोट लागेको जिल्ला प्रहरी कार्यालय रौतहटले जनाएको छ । 

विस्फोटमा परी नजिकै चउरमा चरिरहेको एउटा बाख्रा समेत मरेको छ ।

बम फाल्नका लागि प्रयोग भएको मोटरसाइकलका चालक भारत घर बनाउने २५ वर्षीय चन्दनकुमार साहलाई प्रहरीले मोटरसाइल सहित नियन्त्रणमा लिएको छ ।

मोटरसाइकलको पछाडि बसेर बम फाल्ने व्यक्ति भने फरार छन् ।

कमेन्ट गर्नुहोस्