अभिनेत्री शिल्पा पोखरेलले पक्राउ नगर्न हालेको रिट सर्वोच्चद्वारा खारेज

काठमाडौं-सर्वोच्च अदालतले अभिनेत्री शिल्पा पोखरेलले दायर गरेको रिट खारेज गरेको छ । 

उनले आफूविरुद्ध पक्राउ पुर्जी जारी गर्ने जिल्ला अदालतको निर्णयविरुद्ध सर्वोच्चमा दिएको रिट खारेज भएको हो । 

---

Advertisement

---

मंगलवार न्यायाधीश मनोजकुमार शर्मा र ईश्वर खतिवडाको इजलासले उक्त रिट खारेज गरेको हो । 

फिल्म निर्माता छविराज ओझा र अभिनेत्री शिल्पा पोखरेलबीच पारिवारिक झगडाका बीच ओझाकी जेठी पत्नी हेमा कुमारी ओझाले प्रहरीमा बहुविवाहको उजुरी दिएपछि उनीहरूविरुद्ध पक्राउ पुर्जी जारी गरिएको थियो ।

---

Advertisement

---

पक्राउ पुर्जी जारी भएपछि शिल्पाले सर्वोच्च अदालतमा गत साउन २९ गते रिट दायर गरेकी थिइन् । भदौ १ गते रिटको सुनुवाइ गर्दै अदालतले शिल्पालाई पक्राउ नगर्न अन्तरिम आदेश जारी गरेको थियो । 

रिट खारेज भएसँगै उनीहरूलाई पक्राउ गर्ने बाटो अब खुलेको छ ।