रुसको एक कलेजमा बिहीवार १९ वर्षीय एक विद्यार्थीले सहपाठीलाई गोली प्रहार गरी हत्या गरेपछि आत्महत्या गरेका छन् ।  

दानिल जासोरिन नामक ती विद्यार्थीले ब्लागोभेशचेन्स्क कलेजमा पढाइ चलिरहेको बेलामा गोली चलाएका हुन् । बदमासी गरेपछि शिक्षकले उनलाई कक्षाबाट बाहिर निस्कन लगाएका थिए, त्यसपछि उनले गोली हाने । 

जासोरिनले चारजना सहपाठीलाई घाइते बनाएका छन् । तीमध्ये अलेक्से गोलुब्निचीको पछि अस्पतालमा देहान्त भयो । 

गोलीको आवाज सुनेपछि एक ट्राफिक प्रहरी कलेजमा प्रवेश गरे र बन्दूकधारीमाथि गोली चलाए । 

कक्षा चलिरहेको बेलामा दुर्व्यवहार गरेपछि शिक्षकले जासोरिनलाई दुईपटक बाहिर जान भनेको प्रत्यक्षदर्शीहरूले बताए । 

उनी कक्षाबाहिर गए तर एक हतियार लिएर फर्किए । उक्त हतियार शटगन भएको रुसी सञ्चारमाध्यमले जनाएका छन् । 

बन्दूकधारीको झोला पछि शौचालयमा फेला पर्‍यो । त्यसमा थप गोली थिए । घटनास्थलमा गोलीका खोकाहरू छरपस्ट भेटिएका थिए ।

एजेन्सी