रौतहट नरसंहार : आफताब आलम पुर्पक्षका लागि जेल चलान

गगन अर्याल
गगन अर्याल

लोकान्तर संवाददाता अर्याल सुरक्षा/अपराध तथा समसामयिक विषयमा समेत कलम चलाउँछन् ।

चुनावमा बुथ कब्जाका लागि आफैंले बनाउन लगाएको बम विस्फोटमा परी घाइते भएकाहरूलाई जिउँदै इँटाभट्टामा जलाएर हत्या गरेको आरोप लागेका कांग्रेस सांसद आफ्ताब आलम पुर्पक्षका लागि जेल चलान भएका छन् ।

संविधान सभाको पहिलो निर्वाचनको अघिल्लो दिन २०६४ चैत २७ गते भएको घटनामाथि छानबिनका क्रममा १२ वर्षपछि पक्राउ परेका आलमलाई पुर्पक्षका लागि थुनामा पठाउन जिल्ला अदालत रौतहटले आदेश दिएको हो ।


Advertisement

आलममाथिको थुनछेक बहस एक साताभन्दा लामो समय चलेको थियो । वादी–प्रतिवादी दुवैतर्फका वकिलहरूको बहस सकिएपछि न्यायाधीश दीपक ढकालको इजलासले आलमलाई पुर्पक्षका लागि थुनामा राख्न आदेश दिएको हो ।

जिल्ला सरकारी वकिलको कार्यालयले दायर गरेको मुद्दाको पक्षमा महान्यायाधिवक्ताको कार्यलयका सह–न्यायाधिवक्ता सूर्यराज दाहाल, उप–न्यायाधिवक्ता अर्जुनप्रसाद कोइराला र जिल्ला न्यायाधिवक्ता कार्यलय रौतहटका प्रमुख सहायक न्यायाधिवक्ता खगेन्द्रराज कटुवालले बहस गरेका थिए । पीडितको पक्षबाट भने पूर्व महान्यायाधीवक्ता समेत रहेका वरिष्ठ अधिवक्ता युवराज संग्रौलाले बहस गरेका थिए ।


Advertisement

आलमको पक्षबाट पूर्वमहान्यायाधीवक्ता समेत रहेका वरिष्ठ अधिवक्ता रमन श्रेष्ठ लगायत १५ जनाले बहस गरेका थिए ।

आलमलाई प्रहरीले रौतहटको शेख इद्रिश गेटबाट असोज २६ गते पक्राउ गरेको थियो । त्यसपछि पटक–पटक म्याद थपगरी आलममाथि अनुसन्धान भएको थियो ।

आलमसहित ११ जनाविरुद्ध जिल्ला सरकारी वकिल कार्यालय रौतहटले विस्फोटक पदार्थ ऐन, २०१८, मुलुकी अपराधसंहिताको दफा (१७७) अन्तर्गत ज्यानसम्बन्धी कसूर (ज्यान मार्ने उद्योग) मा जन्मकैदको माग गर्दै मुद्दा दायर गरिएको छ ।

कमेन्ट गर्नुहोस्