२०० फीट अग्लो पानीको टावरमा चढ्यो साँढे, क्रेनबाट गरियो उद्धार (भिडियो)

भारतको हरियाणामा रोमाञ्च मन पराउने एक साँढे २०० फीट अग्लो पानीको टावर चढ्न सफल भएको छ । त्यहाँ पुगेर अड्किएपछि साँढेलाई निकै कष्टका साथ उद्धार गरिएको छ । 

बिहीवार उक्त साँढेलाई चार घन्टाको प्रयासपछि उद्धार गरिएको थियो । 


Advertisement

रेवाडी जिल्लामा भएको यो घटनाको भिडियोमा एउटा क्रेनले साँढेको उद्धार गरिएको देखिन्छ । 

बाल्कोनी जस्तो देखिने संरचनामाथि पुगेपछि उद्धारकर्ताहरूले साँढेलाई क्रेनमा जोडिएको डोरीले बाँधे । 


Advertisement

डोरी कसेर बाँधेपछि साँढेलाई तल रहेको ट्रकमा ओरालियो र सुरक्षित स्थानमा लगियो । 

घटना हेर्नका लागि ठूलै संख्यामा मानिसहरू भेला भएका थिए । 

केही मानिसले पानी भण्डारण ट्यांकको ढोका किन खोलिएको हो भनी प्रश्न गरे । खुला ढोकाबाट पसेर साँढे पानीको टावरमा भर्‍याङ हुँदै २०० फीट माथि चढ्यो ।

धन्य उद्धारकर्ताहरूले साँढेलाई सुरक्षित रूपमा उद्धार गर्न सके ।

एजेन्सी

कमेन्ट गर्नुहोस्