एनसेल प्राइभेट लिमिटेडले आफ्नो नयाँ योजना ‘रिचार्जमा चमत्कार’बारे जानकारी सार्वजनिक गर्दै एक टीभी कार्यक्रम र आफ्नो फेसबुक पेजमार्फत ५ भाग्यशाली कोडहरूको घोषणा गरेको छ ।

घोषणा गरिएका प्रत्येक कोड नम्बरबाहक एनसेल ग्राहकले जनही २ लाख रुपैयाँ नगद पुरस्कार जितेका छन् ।

आफ्नो कस्टमर लोयल्टी योजना अन्तर्गत एनसेलले ‘रिचार्जमा चमत्कार’ अफर २०७६ मंसिर १ गतेदेखि सञ्चालन गर्दै आएको छ । योजना अन्तर्गत हरेक योग्य ग्राहकले प्रत्येक हप्ता २ लाख रुपैयाँ र प्रत्येक महिना १० लाख रुपैयाँ जित्ने मौका पाउँछन् ।

योजनाको पहिलो हप्ता अर्थात् मंसिर १–७ गतेका विजेता ग्राहकलाई एनसेलले शुक्रवार २०७६ मंसिर १३ गतेभित्र पुरस्कार रकम हस्तान्तरण गर्नेछ । 

एनसेलका प्रिपेड र पोस्टपेड सेवाका सबै ग्राहकले हप्तामा १०० रुपैयाँ वा यसभन्दा बढीको रिचार्ज गरी साप्ताहिक वा मासिक नगद पुरस्कार जित्नका लागि योग्य हुन सक्छन् ।

आइतवारदेखि शनिवारको साप्ताहिक चक्रमा योजना सञ्चालन भइरहेको छ र योजनाको प्रत्येक ४ हप्ताको समापनसँगै त्यस महिनाको १ भाग्यशाली ग्राहकको पनि घोषणा गरिने छ । 

ग्राहकले १०० रुपैयाँ वा त्योभन्दा बढीको ब्यालेन्स रिचार्जमा प्रत्येक १०० रुपैयाँ बराबरको एक विशेष कोड एसएमएस मार्फत प्राप्त गर्छन् । उदाहरणका लागि यदि कुनै ग्राहकले ३५० रुपैयाँ रिचार्ज गर्दछ भने उसले ३ विशेष कोड नम्बर प्राप्त गर्दछ । त्यसैगरी ग्राहकले ५०० रुपैयाँ रिचार्ज गरेमा ५ वटा विशेष कोडहरू प्राप्त हुनेछन् । 

यसरी प्राप्त हुने प्रत्येक कोडलाई ग्राहकले नगद पुरस्कार दाबी गर्नका लागि सुरक्षित राख्नुपर्ने हुन्छ । एनसेलले आफ्ना ग्राहकका लागि कस्टमर लोयल्टी कार्यक्रम अन्तर्गत आकर्षक योजना ल्याउन पाएकोमा कम्पनी हर्षित रहेको जनाएको छ । 

योजना अन्तर्गत प्रत्येक हप्ता सोमवार साँझ ६ः३० बजे एपीवान टेलिभिजनमा प्रत्यक्ष प्रसारण र एनसेलको फेसबूक पेजमार्फत ५ भाग्यशाली ग्राहकको घोषणा हुन्छ । आवश्यक प्रक्रिया पुर्‍याई प्रत्येक हप्ताको शुक्रवारभित्र अघिल्लो हप्ताका विजयीलाई नगद पुरस्कार हस्तान्तरण गरिने छ ।