माघ १३, २०८०
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
मंसिर १३, २०७६
मानव बेचबिखन अनुसन्धान ब्यूरोले नुवाकोटको सूर्यगढी गाउँपालिका वडा नम्बर ६ स्थायी घर भएकी ५० वर्षीया कान्छीमाया तामाङ भनिने कृष्णमाया लामालाई गएको कार्तिक २७ गते पक्राउ गर्यो ।
कान्छीमाया पक्राउ पर्नुको कारण ८ वर्षअघिको घटनासँग जोडिएको छ । काठमाडौंको होटलमा काम गर्दै गरेकी अन्दाजी १५ वर्षीया सामना (नाम परिर्वन)लाई वि.सं. २०६८ साल आफ्नो घरमा लगेर पाल्ने भन्दै प्रलोभनमा पारिन् ।
०६८ कै माघ महिनामा त्यहाँबाट निकाल्न सफल भएकी कान्छी मायाले भोमिटिङको औषधि भन्दै बेहोश हुने औषधि खुवाएर भारतको नयाँदिल्लीस्थित कोठीमा पुर्याइन् ।
सामनालाई नयाँदिल्लीमा एक महिनासम्म बन्धक बनाएर बयस्क हुने औषधि र सुई लागाई दिल्लीकै कोठी नम्बर ५११ मा दुई वर्षसम्म, कोठी नम्बर ६४ मा दुई वर्षसम्म र कोठी नम्बर ४० मा केही समय राखेर यौनधन्दामा लगाएको खुल्न आयो । सामनालाई कान्छीमायाले भारतीय रुपैयाँ १० हजारमा बेचेको प्रहरी अनुसन्धानमा पत्ता लागेको छ ।
नुवाकोटकै किस्पाङ गाउँपालिकाकी राममाया तामाङ (नाम परिवर्तन) ले पति हरि (नाम परिर्वतन) लाई २०७५ भदौ २५ गते त्रिभुवन अन्तर्राष्ट्रिय विमानस्थलबाट तुर्कमिनिस्तान बिदा गरिन् ।
पैसा कमाउने र बालबच्चालाई राम्रोसँग शिक्षादिक्षा दिने दुवैको योजनासहित पति विदेश लागे र पत्नी घर नुवाकोटतर्फ लागिन् ।
विदेश उडेको ८/९ महिना हुँदा पनि पतिको फोन आएन । फेसबूक, भाइबर, इमोमा पतिसँग सम्पर्क हुन्छ कि भन्दै प्रयास गरिन् ।
पतिसँग सम्पर्क हुने प्रतिक्षामा रहेकी राममायालाई १ दिन फेसबूकको म्यासेन्जरमा फोन आयो । पतिको फोन आएर खुशी भइन् तर उनको खुशी केही क्षण पनि रहेन ।
युद्धग्रस्त क्षेत्रमा काम पनि नदिई, खान पनि नदिई बन्धक बनाएको र ज्यान बचाउन मुस्किल रहेको भनेर पतिले बताउँदा राममाया बोहोशीकै हालतमा पुगिन् ।
केही क्षणमै फोन काटियो । उनी पतिको ज्यान बचाइदिनुपर्यो भन्दै प्रहरी प्रधान कार्यालयस्थित मानव बेचबिखन अनुसन्धान ब्यूरोमा उजुरी दिन पुगिन् ।
राममायाका पतिसँगै रसुवाको उत्तरगया गाउँपालिका–१ का दरवाङ्दे तामाङ, मोन लामा, बुद्धिमान तामाङ, बाबुराम तामाङ र बुच्यूङ समेत अन्य ५ जनालाई बन्धक बनाइएको थियो ।
अनुसन्धान ब्यूरोले कुवेती राजदूतावासको सहयोगमा पीडितलाई गत वैशाख २६ गते उद्धार गरी नेपाल ल्यायो ।
वर्षमा १३ हजार मानिस हराउँछन्
राष्ट्रिय मानव अधिकार आयोगले निकालेको प्रतिवेदनको तथ्यांकलाई हेर्ने हो भने नेपालमा वार्षिक २ सयदेखि ३ सयको संख्यामा मानव बेचबिखनको उजुरी पर्ने गरेको छ ।
आर्थिक वर्ष २०७४/७५ मा ३ सय ५ र आर्थिक वर्ष २०७५/७६ को चैत्र मसान्तसम्म १ सय ७४ मानव बेचबिखन घटनाहरू उजुरी परेको र १३ हजार ६ सय ७८ मानिसहरू हराएको छन्, जसमध्ये केबल ४७ प्रतिशत मात्र फेला परेको मानव बेचबिखनसम्बन्धी राष्ट्रिय प्रतिवेदले देखाउँछ ।
मानव बेचबिखनविरुद्ध क्रियाशील नागरिक संगठनहरूले उपलब्ध गराएको तथ्यांकअनुसार सीमा निरीक्षण तथा अनुगमनका क्रममा मात्र १० हजारभन्दा बढी व्यक्तिलाई सीमा नाकाबाट फिर्ता गरिएको प्रतिवेदनमा उल्लेख गरिएको छ ।
महिला बेचबिखनको अवस्था बिकराल
मानव बेचबिखन अनुसन्धान ब्यूरोको तथ्यांक हेर्दा महिला बेचबिखनको अवस्था बिकराल देखिन्छ । पुरुषको तुलनामा महिला बेचबिखनको संख्या झण्डै ४ गुणाले बढी देखिएको छ ।
पीडित पुरुषको संख्या १ सय १९ हुँदा महिलाको संख्या ४ सय २७ छ । ‘मानव बेचबिखनको मुद्दा हेर्ने हो भने महिलाको अवस्था झन् विकराल छ ।
पुरुषको तुलनामा महिलाको संख्या निकै धेरै छ,’ मानव बेचविखन अनुसन्धान ब्यूरोका प्रहरी उपरीक्षक अनुपम शमशेर जबराले भने ।
बेचबिखनमा १९ देखि २५ वर्षका युवायुवती बढी
मानव बेचबिखनको तथ्यांकलाई हेर्दा १९ देखि २५ वर्षका युवायुवती सबैभन्दा धेरै छन् । किशोर १८ जना र किशोरी १ सय ५० जना गरी जम्मा १ सय ६८ जना बेचबिखनमा परेका छन् ।
बेचबिखन हुनेमा २६ देखि ३५ वर्षका युवायुवती दोस्रो स्थानमा छन् । ३८ जना युवा र १ सय १० जना महिला गरी १ सय ४८ जना बेचबिखनमा परेको उजुरी ब्यूरोमा आएको छ ।
मानव तस्करले विभिन्न लोभलालच देखाई, औषधि उपचार लगायतका विभिन्न बहानामा मानव बेचबिखन गर्ने गरेको एसएसपी कार्कीले बताए ।
मानव बेचबिखन अनुसन्धान ब्यूरो २०७६ वैशाखमा स्थापना भएपछि ११ वटा मुद्दा दर्ता भएका छन् भने १२ जना पक्राउ परेका छन् ।
भारतका ३ जना, दुबईका ११ जना, लिबियाका ९ जना, कुर्दिस्तानका २ जना, बंगलादेशका २ जना, पाकिस्तानका १ जना र क्यानडाका १ जना गरी २९ जना मानव बेचबिखन गर्ने फरार रहेको बेचबिखन अनुसन्धान ब्यूरोले जनाएको छ ।
२०७६ वैशाखयता मानव बेचबिखन ब्यूरोले २ सय ७१ जनाको उद्धार गरेको छ । पुरुष ६६ जना र महिला २ सय ५ जनाको उद्धार गरिएको छ ।
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...