भारतको हैदराबादमा चारजना पुरुषले २७ वर्षीया एक महिलाको सामूहिक बलात्कार र जिउँदै जलाएर हत्या गरेको आरोप कबुलेको प्रहरीले जनाएको छ । 

मारिएकी पशुचिकित्सकमाथि बुधवार उक्त वीभत्स अपराध ती चारजनाले गरेको शम्शाबाद प्रहरी चौकीका प्रहरी निरीक्षक आर वेंकटेशले बताए । 

‘चारजनालाई पक्राउ गरिएको छ र उनीहरूले पीडितमाथि यौन दुर्व्यवहार गरेको साबिती दिएका छन् । दुर्व्यवहार र बलप्रयोगका कारण उनी अर्धचेत भएकी थिइन्,’ उनले भने । 

‘उनीहरूले उनको शरीर एउटा ट्रकमा राखे अनि बलात्कार गरेभन्दा टाढा ठाउँमा लगे । एउटा पुलमुनि उनीहरूले उनको शरीर राखे अनि डीजेल र पेट्रोल छरेर आगो लगाए,’ वेंकटेशले थपे । 

उनको शरीर परीक्षण गर्दा बलात्कार भए नभएको खुल्न सकेन किनकि भौतिक अवेशष निकै डढेको थियो । 

एजेन्सी