इन्डोनेसियाको बोर्नियोस्थित वर्षा वनमा दुई महिनादेखि लगातार डढेलो लागेको छ । डढेलोका कारण अमेजन जंगलको भन्दा पनि खराब स्थिति आएको युरोपेली संघले जनाएको छ । 

बोर्नियोका जंगलमा डढेलोले गर्दा ७० करोड टन कार्बनडाइअक्साइड निस्किसकेको छ । यति ग्यास क्यानडामा एक वर्षमा उत्सर्जित हुन्छ ।

युरोपेली संघसँग आबद्ध कोपरनिकस एट्मोस्फियर मोनिटरिङ सर्भिसका अनुसार, अमेजन जंगलको डढेलोभन्दा बोर्नियोको आगोबाट निस्केको कार्बनडाइअक्साइड २२ प्रतिशतभन्दा बढी छ । 

खेत निकाल्नका लागि आगो लगाइएको थियो । अहिले यो चार हजार किलोमिटर क्षेत्रमा फैलिसकेको छ र मलेसिया अनि ब्रुनाईसम्म पुगिसकेको छ ।

आगोबाट निस्केको धूवाँका कारण हवाई यातायात प्रभावित छ । स्थानीयहरूलाई श्वासप्रश्वाससम्बन्धी रोग लागेको छ । कोपरनिकस मोनिटरिङ सर्भिसले बोर्नियोको आगो १६ वर्षमा सबभन्दा भयानक छ । 

यसअघि सन् २०१५ मा इन्डोनेसियामा २६ लाख हेक्टर क्षेत्रमा आगो लागेको थियो । त्यसले गर्दा २१.८ अर्ब डलर बराबरको हानि पुगेको थियो । 

किसानहरू छिटो जमीन खाली गराउनका लापग जंगलमा आगो लगाइरहेका छन् । उनीहरू छिटो पाम आयल निकाल्न खोजिरहेका छन् किनकि बजारमा त्यसको माग बढिरहेको छ ।

एजेन्सी