छुट्टाछुट्टै दुर्घटनामा २ जनाको मृत्यु

चितवन र काभ्रेमा भएका छुट्टाछुट्टै दुर्घटनामा २ जनाको मृत्यु भएको छ ।

चितवनमा मोटरसाइकल एकआपसमा ठोक्किँदा बिहीवार साँझ १ जनाको मृत्यु भएको छ भने १ घाइते भएका छन् । 


Advertisement

मृत्यु हुनेमा भरतपुर महानगरपालिका–२५ का ३६ वर्षीय रामचन्द्र रेग्मी रहेको जिल्ला प्रहरी कार्यालय चितवनले जनाएको छ । भरतपुरबाट रामपुरतर्फ गइरहेको ना४०प ७३१३ नम्बरको मोटरसाइकल र विपरीत दिशाबाट आउँदै गरेको लु४प ६६५० नम्बरको मोटरसाइकल भरतपुर महानगरपालिका–१५ रामपुरमा साँझ ५ः४५ बजे ठक्कर खाएको हो ।

प्रहरीका अनुसार ना४०प ७३१३ नम्बरको मोटरसाइकल चालक रेग्मीको उपचारका क्रममा साँझ ६ः५५ बजे चितवन मेडिकल कलेजमा मृत्यु भएको हो । सोही दुर्घटनामा परी लु४प ६६५० नम्बरको मोटरसाइकल चालक भरतपुर महानगरपालिका–२० का २५ वर्षीय मानबहादुर मस्याङ्गीे घाइते भएका छन् । उनको चितवन मेडिकल कलेजमा उपचार भइरहेको छ । 


Advertisement

यस्तै, काभ्रेपलाञ्चोकको पाँचखाल नगरपालिका–८ अरनिको राजमार्गस्थित त्रिपन्नकिलोमा बिहीवार बेलुका मोटरसाइकल दुर्घटना हुँदा १ जनाको मृत्यु भएको प्रहरीले जनाएको छ । 

जिल्ला प्रहरी कार्यालय धुलिखेलका प्रहरी नायब उपरीक्षक दीपक गिरीका अनुसार दोलालघाटबाट धुलिखेलतर्फ आउँदै गरेको प्रदेश ३–०२–००५प ९७८५ नम्बरको मोटरसाइकल आफैं अनियन्त्रित भई दुर्घटना हुँदा घाइते भएका नवलपरासी जिल्ला दाउन्ने गाउँपालिका–७ का ४५ वर्षीया नीरमाया तामाङको उपचारका क्रममा धुलिखेल अस्पतालमा मुत्यु भएको हो ।

दुघर्टनामा परी मोटरसाइकल चालक सोही ठाउँका ५० वर्षीय खुसीमान तामाङको टाउको, नाक र दाहिने हातमा चोट लागेकाले उनको अवस्था गम्भीर रहेको प्रहरीले जनाएको छ । दुवै पतिपत्नी रहेको र दोलखा माइती गई फर्कने क्रममा सो दुर्घटना भएको प्रहरी नायब उपरीक्षक गिरीले बताए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्