एनसेलद्वारा सिगुलाई २ लाख नगद पुरस्कार हस्तान्तरण

एनसेल प्राईभेट लिमिटेडले ‘रिचार्जमा चमत्कार’ योजना अन्तर्गत पहिलो हप्ताका एक विजयी चित्रकुमार सिगुलाई बिहीवार एक कार्यक्रमबीच २ लाख नगद पुरस्कार हस्तान्तरण गरेको छ ।

पाँचथरका सिगु योजना अन्तर्गत पहिलो हप्ताका ५ विजयीमध्ये एक हुन् । 


Advertisement

आफ्नो कस्टमर लोयल्टी कार्यक्रम अन्तर्गत एनसेलले यो ‘रिचार्जमा चमत्कार’ अफर २०७६ मंसिर १ गतेदेखि सञ्चालन गर्दै आएको छ । योजना अन्तर्गत हरेक योग्य ग्राहकले प्रत्येक हप्ता २ लाख रुपैयाँ नगद र प्रत्येक महिना १० लाख रुपैयाँ नगद जित्ने मौका पाउँछन् । 

योजनाको पहिलो हप्ताका ५ विजेता ग्राहकमध्ये बिहीवार एक ग्राहक सिगुलाई एनसेल सेन्टर कुमारीपाटीबाट २ लाख रुपैयाँ नगद पुरस्कार ग्रहण गरेका छन् । पेशाले सिकर्मी रहेका सिगुले नगद पुरस्कार पाएर अत्यन्त खुसी व्यक्त गर्दै आफुले पाएको पुरस्कार रकमले आफ्नो बगुंर फार्ममा थप लगानी गर्ने बताए ।  


Advertisement

यसैगरी, योजना अन्तर्गत दोस्रो हप्तामा विजयी भई प्रमाणिकरण भएका एक ग्राहकलाइ छिट्टै बिर्तामोडबाट २ लाख रुपैयाँ नगद हस्तान्तरण गरिने छ । मंसिर १६ गते घोषणा गरिएका दोस्रो हप्ताका ५ भाग्यशाली विजयीमध्ये ३ विजयी ग्राहक प्रमाणीकरण प्रक्रियामा रहेका छन् भने १ विजयी योजनाको शर्त बमोजिम अयोग्य ठहरिएकाले दोस्रो हप्तामा वितरण भएका कोडका आधारमा तेस्रो हप्ता उक्त ग्राहकको स्थानमा नयाँ भाग्यशाली ग्राहक छनोट गरिने छ । 

एनसेलका प्रिपेड र पोष्टपेड सेवाका सबै ग्राहकले हप्तामा १०० वा यसभन्दा बढीको रिचार्ज गरी साप्ताहिक वा मासिक नगद पुरस्कार जित्नका लागि योग्य हुन्छ सक्छन् । आइतवारदेखि शनिवारको साप्ताहिक चक्रमा योजना सञ्चालन भइरहेको छ । योजनाको प्रत्येक ४ हप्ताको समापनसँगै त्यस महिनाको एक भाग्यशाली ग्राहकको पनि घोषणा गरिनेछ । 

ग्राहकले १०० वा त्यो भन्दा बढीको ब्यालेन्स रिचार्जमा प्रत्येक १०० बराबरको एक विशेष कोड एसएमएसमार्फत प्राप्त गर्छन् । उदाहरणका लागि यदि कुनै ग्राहकले ३५० रिचार्ज गर्दछ भने उसले ३ विशेष कोड नम्बर प्राप्त गर्दछ । त्यसैगरी ग्राहकले ५०० रिचार्ज गरेमा ५ वटा विशेष कोड प्राप्त हुनेछन् । 

यसरी प्राप्त हुने प्रत्येक कोडलाई ग्राहकले नगद पुरस्कार दाबी गर्नका लागि सुरक्षित राख्न पर्ने हुन्छ । यस योजना अन्तर्गत प्रत्येक हप्ता सोमबार साँझ ६ः३० बजे एपि वान टेलिभिजनमा प्रत्यक्ष प्रसारण र एनसेलको फेसबूक पेजमार्फत पाँच भाग्यशाली ग्राहकको घोषणा हुन्छ । आवश्यक प्रक्रिया पुर्‍याई प्रत्येक हप्ताको शुक्रवारभित्र अघिल्लो हप्ताका विजयीलाई नगद पुरस्कार हस्तान्तरण गरिने छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्