कांग्रेस पार्टीमा बसिरहने र अन्तरघात गरिरहनेलाई कारवाही गर्नुपर्छ : देउवा

प्रकाश आचार्य
प्रकाश आचार्य

लोकान्तर संवाददाता आचार्य प्रदेश नम्बर ५ बाट रिपोर्टिङ गर्छन् ।

कांग्रेसका सभापति शेरबहादुर देउवाले पार्टीभित्र अन्तरघात गर्नेलाई कारवाही नभएसम्म पार्टीले चुनाव जित्न नसक्ने दाबी गरे ।

नेपाली कांग्रेस नगर समिति सिद्धार्थनगरको दोस्रो नगर भेला तथा साइकल/ह्वील चियर वितरण कार्यक्रमलाई शनिवार भैरहवामा सम्बोधन गर्दै देउवाले पार्टीमा बसिरहने र अन्तरघात पनि गरिरहनेलाई कारवाहीको आवश्यकता रहेकोमा जोड दिए ।


Advertisement

‘अन्तरघात गरेर पार्टीलाई हराउन लाग्ने नेता/कार्यकर्तालाई कसैले कुनै हालतमा बचाउनुहुँदैन, कारवाही नभएसम्म पार्टी हार्दै जान्छ,’ उनले भने ।

देउवाले पार्टीभित्र अन्तरघात भएसम्म कांग्रेसले चुनाव जित्ने सम्भावना नरहेको दाबी गरे । हालै सम्पन्न उपनिर्वाचनमा कांग्रेसले विशेषगरी धरानमा कम्युनिस्टको लालकिल्ला तोड्न सफल भएको देउवाले बताए ।


Advertisement

‘विगतदेखि पार्टीले पराजय भोग्दै आएको स्थानमा चुनाव जित्नु ठूलो सफलता हो,’ उनले भने । कास्की र दाङमा सहानुभूतिका कारण पनि नेकपाका महिला उम्मेदवारहरू निर्वाचित भएको उनले बताए ।

प्रकाश आचार्य
प्रकाश आचार्य

लेखकबाट थप...

कमेन्ट गर्नुहोस्