भोलि जोर नम्बर मात्र चल्ने पाउने, ट्राफिकले भन्यो– रंगशाला आसपासमा सवारी नचलाउनू

भोलि (मंगलवार) दशरथ रंगशाला वरिपरि सवारी साधन नचलाउन ट्राफिक प्रहरीले अनुरोध गरेको छ ।

दक्षिण एसियाली खेलकुद प्रतियोगिता सागको समापन समारोह हुने दिन मंगलवार दशरथ रंगशाला क्षेत्रमा मानिसहरूको भीडभाड बढी हुने भएकाले त्यस क्षेत्रमा सकभर सवारी साधन नचलाउन ट्राफिक प्रहरीले अनुरोध गरेको हो ।


Advertisement

भोलि उपत्यकाभित्र जोर नम्बर प्लेटका सवारी साधनहरू मात्र चलाउन पाइने ट्राफिक प्रहरीले जनाएको छ । जोर नम्बरका सवारी साधनलाई पनि सकेसम्म रंगशाला आसपास नजान प्रहरीको अनुरोध छ ।

साथै दशरथ रंगशालामा खेल हेर्न आउने दर्शकले प्रयोग गर्ने सवारीवारी साधनका लागि पनि पार्किङ स्थल तोकिएको छ ।


Advertisement

खेल हेर्न आउने सम्पूर्ण सर्वसाधारणको पार्किङस्थल काठमाडौं मलअगाडिको टुँडिखेललाई तोकिएको छ ।

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्