कविर सिंहमा आफ्नो शानदार अभिनयका कारण कियारा आडबाणीले फिल्म इन्डस्ट्रीमा अलग परिचय बनाइन् ।

उनलाई अहिले धेरै फिल्मबाट अफर आएका छन् । उनी छिट्टै फिल्म ‘गुड न्युज’मा देखिँदै छिन् ।

उनी आफु अभिनेत्री बन्नुभन्दा पहिले आफ्नी आमाको प्रिस्कुलमा काम गर्थिन् ।

एक अन्तर्वार्तामा कियाराले भनिन्, ‘अभिनेत्री बन्नुभन्दा पहिले मेरो पहिलो जागिर मेरी आमाको प्रिस्कुलमा थियो । म बिहान ७ बजे स्कुल पुगिसकेको हुन्थें । त्यसपछि शुरू हुन्थ्यो बच्चाको रेखदेख गर्ने काम । बच्चाहरू सम्हाल्न म पोख्त थिएँ । मैले बच्चाहरूसँग नर्सरीको कविता पढेको छु ।’ उनले अंग्रेजीको एल्फाबेट र गणितका अंक सिकाएकी थिइन् । उनले बच्चाको डाइपरमेत बदलिन् । कियाराले भनिन्, ‘कुनै दिन मेरो पनि बच्चा भयो भने त्यो मेरो लागि सबैभन्दा खुसीको क्षण हुनेछ । यो मेरो जिन्दगीको सुखद् अनुभूति हुनेछ ।’ 

फिल्म गुड न्युजबाहेक कियारा फिल्म ‘इन्दुकी जवानी’ मा देखिँदै छिन् । यो फिल्म आगामी वर्ष रिलिज हुँदैछ । उनी अक्षय कुमारसँग फिल्म ‘लक्ष्मी बाम्ब’मा पनि खेल्दैछिन् । अन्नपूर्ण पोस्टमा खबर छ ।