संसदको हिउँदे अधिवेशन पुस ४ गतेबाट शुरू

राष्ट्रपति विद्यादेवी भण्डारीले संघीय संसदको दुवै सदनको हिउँदे अधिवेशन आह्वान गरेकी छन् ।

मंगलवार राष्ट्रपति कार्यालयले एक विज्ञप्ति जारी गर्दै पुस ४ गते दिउँसो ४ बजेका लागि राष्ट्रपतिले अधिवेशन आह्वान गरेको जानकारी दियो ।


Advertisement

'राष्ट्रपति भण्डारीज्यूबाट संविधानको धारा ९३ को उपधारा १ बमोजिम २०७६ साल पुस ४ गते ४ बजे संघीय संसदको दुवै सदनको अधिवेशन आह्वान गरिएको छ,' प्रवक्ता हरिप्रसाद दाहालले हस्ताक्षर गरेको विज्ञप्तिमा उल्लेख गरिएको छ ।

प्रतिनिधि सभाको पहिलो बिजनेश सभामुखको चयन हुने सम्भावना रहेको छ । निवर्तमान सभामुख कृष्णबहादुर महराले आफू यौनप्रकरणमा मुछिएपछि असोजको दोस्रो साता राजीनामा दिएका थिए । त्यसयता प्रतिनिधिसभा सभामुखबिहीन बनेको छ ।


Advertisement

सोमवार प्रधानमन्त्री निवास बालुवाटारमा बसेको मन्त्रिपरिषद बैठकले राष्ट्रपतिलाई संसद अधिवेशन आह्वान गर्न सिफारिस गर्ने निर्णय गरेको थियो ।

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्