नेपालीले 'भुटान, भुटान...' भनेको भिडियो राख्दै बीएफएफले लेख्यो 'हामीले मन जित्यौं' !

दक्षिण एसियाली खेलकुद प्रतियोगिता (साग)को तेह्रौं संस्करणअन्तर्गत पुरुष फूटबलमा भुटानले रजत पदक हात पार्‍यो ।

घरेलु टोली नेपालसँग २–१ ले पराजित भएपनि भुटानी फूटबलका लागि यो ऐतिहासिक उपलब्धि थियो ।

---

Advertisement

---

भुटानले दक्षिण एसियाली फूटबल प्रतियोगितामा पहिलोपटक फाइनल खेलेको थियो ।

खेल सकिएलगत्तै नेपाली दर्शकले नेपालको पक्षमा मात्र हुटिङ गरेनन्, भुटानी खेलाडीहरूलाई पनि साथ दिए ।

---

Advertisement

---

भुटानी खेलाडीहरू प्लेयर बक्सतिर फर्किँदै गर्दा दर्शकहरूले भुटान–भुटान भनेर हुटिङ गरेका थिए ।

नेपाली दर्शकले भुटानको पक्षमा हुटिङ गरेको भिडियो फेसबूकमा राख्दै भुटानी फूटबल फेडेरेसन (बीएफएफ) 'हामीले मन जित्यौं' भन्ने क्याप्सन दिएको छ ।

उक्त भिडियोको कमेन्ट बक्समा नेपालीले भुटानले साँच्चै मन जितेको प्रतिक्रिया दिएका छन् भने भुटानीहरूले नेपाली दर्शकलाई धन्यवाद दिएका छन् ।