कालापानीमा सुरक्षाकर्मी पठाउने गृहमन्त्री बादलको घोषणा

गृहमन्त्री रामबहादुर थापा 'बादल'ले कालापानीमा सीमा सुरक्षाका लागि सशस्त्र प्रहरी पठाउने बताएका छन् ।

शुक्रवार बसेको संसदको अन्तर्राष्ट्रिय समितिको बैठकमा बोल्दै बादलले नेपालको भूमि हुँदै कालापानी जान सक्ने स्थिति नभएकाले त्यहाँ बाटो बनाउने र सुरक्षाकर्मी पठाउने बताएका हुन् ।


Advertisement

'सीमा सुरक्षाको जिम्मा गृहमन्त्रालय मातहतको सशस्त्र सुरक्षा बलको हो,' उनले भने, 'कालापानीसम्म नेपालकै भूभाग भएर जाने बाटो बनाउनुपर्ने छ । त्यसका लागि हामीले सुरक्षाकर्मी पठाउँछौं ।'

बादलले सीमा सुरक्षा बढाउनका लागि थप ७० वटा बीओपी थप्ने सरकारले निर्णय गरेको बताए ।


Advertisement

बैठकपछि समितिले समितिले लिम्पियाधुरा, लिपुलेक, कालापानी र सुस्तालगायतका नेपाली भूमि समावेश गरी नेपालको नक्सा अविलम्ब जारी गर्न सरकारलाई निर्देशन दिएको छ ।

बैठकले लिम्पियाधुरा, लिपुलेक र कालापानी क्षेत्रमा रहेका भारतीय सुरक्षा फौज फिर्ता गरी नेपालको भौगोलिक अखण्डताको रक्षा गर्न र भारत सरकारसँग आवश्यक तहमा वार्ता गर्नसमेत नेपाल सरकारलाई निर्देशन दिने निर्णय गरेको हो ।

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्