×

NMB BANK
NIC ASIA

कांग्रेसमा किचलो

'आइस ब्रेक'का लागि देउवाको प्रयास फेल, बैठक छाडेर पौडेल पाथीभरा दर्शनमा !

मंसिर २९, २०७६

NTC
Sarbottam
Premier Steels
Marvel

प्रमुख प्रतिपक्षी दल नेपाली कांग्रेसमा १४औं महाधिवेशनको कार्यतालिकालाई लिएर देखिएको विवाद उत्कर्षमा पुगेको छ ।

Sagarmatha Cement
Muktinath Bank

महाधिवेशनको कार्यतालिकामा सभापतिले छलफल गर्न नचाहेको आरोप लगाउँदै वरिष्ठ नेता रामचन्द्र पौडेल समूहले २६ गतेदेखि बस्ने भनिएको केन्द्रीय समितिको बैठक बहिष्कार गरेको थियो ।


Advertisment
RMC TANSEN
IME BANK INNEWS
shivam ISLAND

विवाद साम्य पार्न शनिवार सभापति शेरबहादुर देउवा उपसभापति विमलेन्द्र निधिलाई लिएर पौडेलनिवास बोहोराटारमा पुगेका थिए ।


Advertisment
Nabil box
Kumari

'देउवाले महाधिवेशन कार्यतालिकाका विषयमा छलफल गर्न आफू तयार रहेको बताउनुभयो,' छलफलमा सहभागी एक नेताले भने, 'तर विभागको संख्या थप्ने, नेविसंघको तदर्थ समिति बनाउने र तरुण दलको कार्यसमिति विस्तार गर्ने विषयमा सहमति हुन सकेन ।'

Vianet communication
Laxmi Bank

सभापति देउवा नै सहमतिको प्रयास गर्दै पौडेल निवास जानुलाई कांग्रेसका कतिपय नेताहरूले सभापतिको 'आइसब्रेक' गर्ने प्रयासका रूपमा लिएका छन् । तर शनिवार बिहान दुवै नेताबीच भएको छलफलमा कुनै सहमति बन्न नसकेपछि पौडेलले आफ्नो रणनीति तय गर्न आफूनिकट नेताहरूसँग छलफल गरे ।

देउवासँग कुनै सहमति नजुटेपछि शनिवार नै महामन्त्री शशांक कोइराला निवासमा पौडेलपक्षीय नेताहरू जम्मा भए । बैठकमा उपस्थित नेताहरूले सभापतिले एकलौटी गर्न खोजेको आरोप लगाए ।

'आइतवार बस्ने केन्द्रीय समिति बैठक बहिष्कार गर्ने चेतावनी दिनुभएको छ नेताहरूले,' बैठकमा सहभागी एक केन्द्रीय समिति सदस्यले लोकान्तरसँग भने, 'संस्थापनइतर पक्ष कांग्रेसको सुदृधिकरण गर्न एक ढिक्का भएर लागेको छ ।'

पौडेल पक्षको भेलापछि साँझ ४ बजे प्रकाशमानसिंह निवास चाक्सीबारीमा अर्को बैठक बस्यो । बैठकमा दुवैतर्फका नेताहरू उपस्थित थिए ।

सभापति देउवा पक्षबाट निधि र पौडेल पक्षबाट सिंहले सहमति जुटाउने प्रयास गरेका थिए । 

चाक्सीबारी भेलामा विभागको संख्या बढाएमा ४० प्रतिशत आफूलाई दिनुपर्ने पौडेल समूहले माग राख्यो ।

केन्द्रीय समितिमा १४ औं महाधिवेशन कार्यतालिकामा छलफल गर्न देउवापक्ष सकारात्मक भएपनि विभागका विषयमा कुनै सहमति बन्न सकेन ।

केन्द्रीय समिति बैठक अन्योलमा !

शनिवार बसेका ३ वटै बैठक विनासहमति टुंगिएपछि आइतवार दिउँसो १ बजे पार्टी कार्यालयमा बस्ने भनिएको केन्द्रीय समिति बैठक अन्योलमा परेको छ ।

आइतवार वरिष्ठ नेता पौडेल सपरिवार पाथिभरा दर्शनका लागि निस्किसकेका छन् ।

वरिष्ठ नेता पौडेलसँग सम्पर्क गर्न खोज्दा उनले आफू बाहिर रहेको र अहिले केही बोल्न आवश्यक नरहेको प्रतिक्रिया दिए । 'वार्ता टोली बनेको छ, उतै कुरा गर्नुस्,' पौडेलको भनाई उदृत गर्दै उनका एक सहयोगीले लोकान्तरसँग भने, 'अहिले हामी विराटनगर छौं । केन्द्रीय समितिको बैठक बस्छ कि बस्दैन उतै कसैलाई थाहा होला ।'

कांग्रेसभित्र विवाद बढेपछि सभापति देउवा र वरिष्ठ नेता पौडेल दुवै पक्ष सम्मिलित वार्ता समिति पनि गठन गरिएको थियो । शनिवार गठन गरिएको वार्ता समितिमा संस्थापन पक्षले उपसभापति निधिलाई तोकेको छ भने नेता पौडेल पक्षले पार्टीका नेता प्रकाशमान सिंहको नेतृत्वमा केन्द्रीय सदस्यद्वय दिलेन्दप्रसाद्र बडु र हृदयराम थानीलाई जिम्मेवारी दिएको छ । 

आइतवार अपराह्नसम्म पनि वार्ता समितिले कुनै सहमति जुटाउन सकेको छैन । 'वार्ता समितिले अहिलेसम्म कुनै सहमति जुटाउन सकेको देखिएको छैन,' पौडेलपक्षीय एक केन्द्रीय समिति सदस्यले भने, 'यस्तै चाला हो भने आज केन्द्रीय समिति बैठक बस्ने देखिन्न । विनासहमतिको बैठक हामीले बहिष्कार गर्नुको विकल्प छैन ।'

कांग्रेसका अर्का नेता कृष्णप्रसाद सिटौला पनि बैठक बस्ने विषयमा अन्योल रहेको बताए । आफ्नो गृह जिल्ला झापा पुगेको सिटौलाले आइतवार बैठक बस्ने/नबस्ने कुनै टुंगो नरहेको बताए ।

'म अहिले झापा छु,' सिटौलाले भने, 'बैठक बस्यो भने आउने हो, नत्र किन आउनु ?' सिटौलाले शनिवारका बैठक र छलफलमा के–के कुरा भए भन्ने आफूलाई थाहा नभएको टिप्पणी गरे ।  

२६ गते बसेको केन्द्रीय समितिको बैठक बहिष्कार गरेको पौडेल पक्षले कुनै ठोस सहमति नभएसम्म बैठकमा आफू सहभागी नहुने अडान लिएको हो ।

त्यतिबेला बसेको बैठकमा सभापति देउवाको तर्फबाट ४१ वटा विभागहरूको गठन गर्ने, तरुण दलद्वारा आफ्नो केन्द्रीय समितिको समयावधि ६ महिना थप गरेको निर्णयलाई अनुमोदन गर्ने, भ्रातृ संघ एवं शुभेच्छुक संस्थाका विधानको सैद्धान्तिक आधार तथा मापदण्ड निर्धारण र एकरूपता समितिको प्रतिवेदन पेश गर्ने लगायतका कार्यसूचीमा छलफल भएको थियो ।

hAMROPATRO BELOW NEWS
TATA Below
मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x