बलिउडको चर्चित जोडी हो, शाहरुख खान-गौरी खान। ‘किङ्ग अफ रोमान्स’ उपमा पाएका शाहरुखको निजी जिन्दगीबाट उनका प्रशंसक प्रभावित रहन्छन्।

शाहरुख जुन तरिकाबाट परिवारको ख्याल गर्छन् यो देखेर प्रभावित हुनेको संख्या बढ्न जान्छ। शाहरुख र गौरीको प्रेम कथा चर्चा त बेलाबेला भइरहन्छ।

हालै मात्र शाहरुखकी पत्नी गौरीले उनीसँग जोडिएको राज खोलेकी छिन्। गौरीका अनुसार शाहरुख कतै जानु परेमा तयार हुन धेरै समय लगाउँछन्। उनले भनेकी छिन्, ‘म ५ मिनेटमा तयार भइसक्छु र  उनी (शाहरुख) ५ घन्टा लिन्छन्।’

उनले यो पनि भनेकी छिन् कि  शाहरुखको पूरै कोठा लुगाले भरिएको हुन्छ। शाहरुखले भने  होइन म त जतिखेर पनि उही लुगा लगाउँछु भनेका थिए।

शाहरुखले भनेका छन्, ‘म कालो सुट लगाउँछु, त्यसैले फरकफरक सुट लगाउनु पर्ने हुन्छ।’ केही दिन अघि मात्र यो जोडीले ‘मोस्ट स्टाइलिश कपल अफ द ईयरको  काे अवार्ड पाएको थियो।