×

NMB BANK
NIC ASIA

सांसदहरूलाई कडाइ

राष्ट्रिय सभाले सार्वजनिक गर्न थाल्यो सांसदको दैनिक हाजिरी, अब बैठक सकिएपछि हाजिरी गर्न नपाइने !

पुस ७, २०७६

NTC
Sarbottam
Premier Steels
Marvel

संघीय संसद्को माथिल्लो सदन राष्ट्रिय सभाले बैठक बसेको दिनको हाजिरी सोही दिन सार्वजनिक गर्ने परम्परा शुरू गरेको छ ।

Sagarmatha Cement
Muktinath Bank

कार्यव्यवस्था परामर्श समितिको बैठकमा निर्णय गराएरै राष्ट्रिय सभाले दैनिक हाजिरी सार्वजनिक गर्न लागेको हो ।


Advertisment
RMC TANSEN
IME BANK INNEWS
shivam ISLAND

संसद्को हिउँदे अधिवेशन शुरू भएको दिन पुस ४ गते बसेको राष्ट्रिय सभा बैठकको हाजिरी सार्वजनिक गरेर यसको शुरूवात गरिएको हो ।


Advertisment
Nabil box
Kumari

‘माथिल्लो सदनलाई जनताप्रति जवाफदेही र उत्तरदायी बनाउन सांसदहरूको दैनिक हाजिरी सार्वजनिक गर्ने निर्णय भएको हो,’ सचिवालयका एक अधिकारीले लोकान्तरसँग भने । 

Vianet communication
Laxmi Bank

यसअघि लोकान्तर डटकमले सूचनाको हकसम्बन्धी ऐन प्रयोग गरेर संघीय संसद्का दुवै सदनको हाजिरी सार्वजनिक गरेको थियो । 

हाजिरी सार्वजनिक भएपछि राष्ट्रिय सभाका सांसदहरूबीच सकेसम्म सबै बैठकमा उपस्थित हुने प्रतिस्पर्धा चलेको थियो । 

‘आफ्ना जनप्रतिनिधि संसद्‍मा उपस्थित भए/नभएको सबैले थाहा पाउन् भनेर कार्यव्यवस्था परामर्श समितिको बैठकबाट निर्णय गराएरै हाजिरी सार्वजनिक गर्न लागेका हौं,’ नेपाली कांग्रेसकी सचेतक सरिता प्रसाईंले लोकान्तरसँग भनिन् ।

राष्ट्रिय सभाले हाजिरी सार्वजनिक गरेपछि प्रतिनिधि सभालाई दबाब परेको छ । ‘हामी पनि हाजिरी सार्वजनिक होस् भन्ने चाहन्छौं तर शीर्ष नेताहरूका कारण यो त्यति सम्भव देखिएको छैन,’ प्रतिनिधि सभाका एक सांसदले भने । 

राष्ट्रिय सभाकी कांग्रेस सचेतक प्रसाईं प्रतिनिधि सभाले पनि हाजिरी सार्वजनिक गर्न सके राम्रो हुने बताउँछिन् ।

'संसदीय खुलापनका लागि ऐतिहासिक' 

संसदीय खुलापनको वकालत गरिरहेका सूचनाको हकका अभियान्ता तारानाथ दाहाल माथिल्लो सभाले सांसदहरूको दैनिक हाजिरी सार्वजनिक गर्नु संसदीय खुलापनका लागि ऐतिहासिक घटना भएको बताउँछन् ।

‘यो उपलब्धिले संसदीय खुलापन बढाउन महत्त्वपूर्ण भूमिका खेल्छ,’ वरिष्ठ पत्रकार दाहालले भने, ‘सांसदहरू कति उपस्थित भए भन्ने कुरा मात्र होइन, कुन विषयको छलफलमा उपस्थित भए र कुन दिन उपस्थित भएनन् भनेर उनीहरूको निहीत स्वार्थ पनि उजागर हुन्छ ।’ फ्रिडम फोरमका कार्यकारी निर्देशक समेत रहेका दाहाल राष्ट्रिय सभाको उदाहरणलाई प्रतिनिधि सभाले पनि लागू गर्नुपर्ने बताउँछन् । 

पहिलो दिनको बैठकमा ५३ जना उपस्थित

५९ सदस्य रहेको राष्ट्रिय सभामा हिउँदे अधिवेशनको पहिलो दिन पुस ४ मा ५३ जना सांसद उपस्थित भएका छन् भने ६ जना अनुपस्थित थिए ।

कविता बोगटी, खेमराज नेपाली, दुर्गाप्रसाद उपाध्याय, रमेशजंग रायमाझी, रामबहादुर थापा ‘बादल’ र शान्तिकुमारी अधिकारी जिसी अनुपस्थित थिए । 

कांग्रेस सांसद रायमाझी बिरामी भएका कारण अनुपस्थित रहेको सचिवाल स्रोतले बतायो । 

हेर्नुहोस्, पहिलो दिनको हाजिरी :

अब सांसदहरूले बैठक सकिएपछि हाजिरी गर्न पाउने छैनन् ।

‘यसअघि बैठक शुरू हुनुपूर्व एक घण्टा अगाडि र बैठक सकिएपछि एक घण्टा पछाडिसम्म हाजिरी गर्न सकिने परम्परा थियो’ सचिवालयका एक उच्च अधिकारीले लोकान्तरसँग भने, ‘अब बैठक सकिएपछि पनि हाजिर गर्ने गलत परम्पराको अन्त्य भएको छ ।’

बैठक सकिएको एक घण्टाभित्रै हाजिरी सार्वजनिक गर्ने सचिवालयको तयारी छ ।

‘यसो हुँदा बैठकमा उपस्थित सांसदले मात्र हाजिरी गर्ने छन्, बैठक सकिएपछि हाजिरी गर्न आउने गलत परम्परा अन्त्य हुनेछ,’ सचिवालयका ती अधिकारी भन्छन् । 

विगतमा संसद् सचिवालयले सांसदको हाजिरी सार्वजनिक गर्न आनाकानी गरिरहेको थियो । 

संसद्को बैठकमा गरेको हाजिरीको आधारमा सचिवालले सांसदलाई त्यो दिनको बैठक भत्ता र ट्याक्सी भाडा उपलब्ध गराउने गरेको छ ।

सांसदहरूले बैठकमा उपस्थित नभएको दिनको पनि भत्ता र ट्याक्सी भाडा बुझ्ने गरेको भन्दै चर्को आलोचना समेत हुने गरेको छ । 

पढ्नुहोसे, यो पनि :
माथिल्लो सदनमा सांसदको उत्साहजनक उपस्थिति: ११ जना शतप्रतिशत, अधिकांश ८५ प्रतिशतभन्दा बढी !

hAMROPATRO BELOW NEWS
TATA Below
कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x