अमेरिकी आक्रमणमा इरानका मेजल जनरल कासिम सुलेमानीको हत्या भएपछि मध्य–पूर्व तनावग्रस्त छ ।

इरानमा आइतवार सुलेमानीको अन्तिम संस्कार गरिएको छ । अन्तिम संस्कारका समयमा सुलेमानीका शुभचिन्तकहरूले अमेरिका र उसको सहयोगीको विरुद्ध नारावाजी गरेका छन् । 

इरानका राष्ट्रपति हसन रूहानीले कासिम सुलेमानीको घरमा पुगी परिवारमा समवेदना प्रकट गरेका छन् ।

सुलेमानीकी छोरी जैनब सुलेमानीले रूहानीसँगको कुराकानीमा आफ्नो बुबाको हत्याको बदला कसैले लिनुपर्ने बताएको अन्तराष्ट्रिय सञ्चारमाध्यमले उल्लेख गरेका  छन् । 

उनले रूहानीलाई सोधेकी छन्, ‘मेरो बुबाको हत्याको बदला कसले लिन्छ ?’

राष्ट्रपति रूहानीले पनि उनीसँग कुरा गर्दै जो कसैले पनि यस हत्याको बदला लिने बताएका छन् ।