बैशाख ३, २०८१
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
गत वर्ष आन्तरिक राजस्व कार्यालय सुर्खेतले मंगलगढी चोक नजिकै अवैध घरेलु मदिरा १० लिटर ल्याई आएको एक स्कूटर नियन्त्रणमा लियो ।
स्कूटर बरामद गरिएपछि हाल कार्यालय भवन बाहिर रहेको छ ।
‘हामीले गोप्य सूचनामार्फत नियमित रुपमा मदिरा ढुवानीमा स्कूटी प्रयोग भइरहेको थाहा पायौं,’ कार्यालय प्रमुख एवं कर अधिकृत भीमप्रसाद शर्माले भने, ‘हाम्रो टोलीले स्कूटी र १० लिटर घरेलु मदिरा जफत गरेको थियो ।’
जिल्ला प्रहरी कार्यालयको सहयोगमा कार्यालयले अवैध मदिरा बेचबिखन गर्नेलाई कारवाही गरिरहेको छ । आर्थिक वर्ष २०७५/०७६ मा २६ जनालाई कम्तिमा ५ हजारको दरले जरिवाना गरेको थियो भने कार्यालयले चालू आर्थिक वर्षको मंसिर मसान्तसम्म ६ जनालाई कारवाही गरिसकेको छ ।
‘यो वर्ष घरेलु मदिराका केही मुद्दा मात्रै आएका छन्,’ उनले भने, ‘जति घरेलु मदिरा व्यापारीबाट जफत हुन्छ, सोही परिणाम बराबरको जरिवाना पनि हामीले गराउँदै आएका छौं ।’
आर्थिक वर्ष २०७५/०७६ मा देशभरका ३८ वटा कार्यालयमा सुर्खेत पहिलो भएको छ । ‘हामीले लक्ष्यभन्दा बढी कर संकलन गरेका थियौं । देशभरमा हामी पहिलो भएका थियौं । हामीले कार्यसम्पादनमा करीब ९३ प्रतिशत नम्बर ल्याउन सफल भएका हौं,’ उनले भने, ‘गत आर्थिक वर्षमा हामीले १ अर्ब लक्ष्य पाएकोमा १ अर्ब ३६ करोड रुपैयाँ राजस्व संकलन गरेका थियौं ।’
कार्यालयले आर्थिक वर्ष २०७४/०७५ मा ५३ करोड, २०७५/०७६ मा १ अर्ब ३६ करोड र चालू आर्थिक वर्षको पुस २४ गतेसम्म ७६ करोड ६९ लाख ४२ हजार रुपैयाँ राजस्व संकलन गरिसकेको छ । चालू आर्थिक वर्षमा कार्यालयलाई १ अर्ब ९० करोड राजस्व संकलन गर्ने लक्ष्य दिइएको छ । ‘यो वर्ष उही संरचना र उही दरबन्दी कायम भएका बेलामा हामीलाई राजस्वको लक्ष्य धेरै तोकिएको छ,’ कार्यालय प्रमुख शर्माले भने, ‘तर हामी लक्ष्य प्राप्तिको लागि प्रयासरत छौं ।’
कार्यालयमा हाल १७ जनाको दरबन्दी छ । ‘विगतमा केही जिल्ला मात्रै हेर्नुपर्ने हुन्थ्यो,’ उनले भने, ‘अहिले ८ जिल्ला सुर्खेत, दैलेख, कालिकोट, जाजरकोट, हुम्ला, मुगु, डोल्पा र कालिकोट हेरिरहेका छौं । कालिकोट, मुगु र जुम्लाको हकमा जुम्लामा कार्यालय भएपनि उसले सम्पादन गरेका कार्य हामीले नै हेर्नुपर्ने हुन्छ । यसले कामको चाप बढाएको छ । कम्तिमा हामीलाई थप २ जना कर अधिकृतको आवश्यकता छ । अहिले भएका २ जनालाई कर संकलन हेर्न र सेवा दिन बस्न ठिक्क छ ।’ कर अधिकृत नभएका कारण बजार अनुगमनमा चुनौती थपिएको उनले बताए ।
कार्यालयले आर्थिक वर्ष २०७५/०७६ मा १६३ व्यापारीलाई अनुसन्धान गरेकोमा त्यसबाट ५ लाख ३१ हजार तथा चालु आर्थिक वर्षको मंसिर मसान्तसम्म ३७ जना मध्येबाट ३ लाख ३० हजार जरिवाना असुल गरेको छ ।
कार्यालयमा व्यक्तिगत पान नम्बर लैजानेको संख्यामा भारी वृद्धि भएको छ । कार्यालयबाट आर्थिक वर्ष २०७५/०७६ मा अन्तःशुल्कमा १ हजार ७७२ जना दर्ता भएका थिए । सोही वर्षमा आयकरमा ३५ हजार २३७, व्यक्तिगत लेखा नम्बर लिनेको संख्या ६ हजार ७१० तथा भ्याट दर्ता गर्नेको संख्या ३ हजार ८६८ रहेको छ । चालू आर्थिक वर्षको मंसिर मसान्तसम्म अन्तःशुल्क दर्ता गर्ने ३११, आयकर ३ हजार ४१७, व्यक्तिगत लेखा नम्बर ३० हजार २११, मूल्य अभिवृद्धि कर ४३४ र टीडीएस (सरकारी कार्यालय) ९७ नयाँ दर्ता भएका छन् ।
कार्यालय सञ्चालन भएको १ वर्षको अवधिमा जम्मा अन्तःशुल्कमा २ हजार ८३, आयकरमा ३८ हजार ६५४, व्यक्तिगत पान नम्बर ३६ हजार ९२१, मूल्य अभिवृद्धि कर ४ हजार ३०२, डब्लु पान ९८ जनाले लिएको कार्यालयले जनाएको छ ।
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...