कात्तिक २८, २०८०
अहिलेका सर्वाधिक हिट अभिनेता हुन् दयाहाङ राई । उनि अभिनीत एकपछि अर्को फिल्मले हलमा राम्रो व्यापार गरेका छन् । यसवर्ष पनि उनको शीर्ष भूमिका रहेको ‘जारी’ र ‘नाङ्गो गाउँ’ले राम्र...
गत साता सार्वजनिक भएका दुईवटा हिन्दी फिल्महरू छपाक र तान्हाजीबीच कमाइको विषयमा भइरहेको प्रतिस्पर्धा बलिउडबाट पर गएर राजनीतिक वृत्तमा पुगेको छ । प्रधानमन्त्री नरेन्द्र मोदीले ल्याएका नीतिका विषयमा यसले वाग्युद्ध निम्त्याएको छ ।
अभिनेता, निर्देशक तथा निर्माता अजय देवगणको ‘तान्हाजी : दी अन्सङ वारियर’ र अभिनेत्री तथा निर्मात्री दीपिका पादुकोणको ‘छपाक’ नितान्त भिन्न चलचित्र हुन् । तर शुक्रवार रिलिज भएयता यी दुवैले विचारधारात्मक रूपमा दर्शकहरूलाई विभाजित गरेको देखिन्छ ।
यी दुई फिल्मबीचको संघर्षलाई उजागर गर्दै सत्तारूढ भारतीय जनता पार्टीका कार्यकर्ताले तान्हाजीका टिकट किनेर सित्तैमा बाँडिरहेका छन् । तान्हाजी मध्यकालका हिन्दू योद्धाको कथा हो । अनि ठाउँठाउँमा विपक्षी कांग्रेस पार्टीका सदस्यहरूले चाहिँ छपाकको टिकट बाँडिरहेका छन् । छपाक चाहिँ एसिड आक्रमणमा परेकी महिला लक्ष्मी अग्रवालको कथा हो ।
भाजपाका कैयौं नेताहरूले छपाक बहिष्कार गर्न आह्वान गरेका छन् भने कांग्रेसले शासन गरेका राज्य मध्य प्रदेश, छत्तीसगढ र राजस्थानमा यस फिल्मलाई करछुट दिइएको छ ।
यी दुवै फिल्मले गरेको कमाइले पनि उनीहरूको संघर्षलाई बढी उजागर गरेको छ । तान्हाजीले राम्रो प्रतिक्रिया पाउँदै सप्ताहान्तमा ६१.७५ करोड भारु कमायो भने छपाकले त्यही अवधिमा १९.०२ करोड भारु मात्र कमाउन सक्यो ।
तर यी दुई फिल्मलाई उही दर्जामा राखेर हेर्न मिल्दैन । तान्हाजी ठूलो बजेटको ऐतिहासिक फिल्म हो र यसले सत्रौं शताब्दीका मराठी सैन्य नेता तानाजी मालुसारेको कथा भन्छ । उनले मुसलमान शासक औरंगजेबको शासनकालमा मुगलहरूका विरुद्ध लडाइँ गरेका थिए । छपाक भने कम बजेटको फिल्म हो र यसले भारतमा महिलाहरूविरुद्ध गरिने एसिड आक्रमणको जल्दोबल्दो विषयलाई उठाएको छ र बलियो सामाजिक सन्देश दिने कोशिश गरेको छ ।
यी दुई फिल्मबीच निकै भिन्नता भए पनि यिनीहरू भव्य द्वन्द्व गरिरहेका छन् । छपाक रिलिज हुनुभन्दा दुई दिनअघि दीपिकाले जवाहरलाल नेहरु विश्वविद्यालय गएर प्रहरीको कुटपिटको शिकार बनेका विद्यार्थीसँग एक्यबद्धता प्रकट गरिन् ।
उक्त विश्वविद्यालय लामो समयदेखि वामपन्थी राजनीतिको अखडा हो र विद्यार्थीहरूले मोदी सरकारका नीतिको विरोध केही समययता गर्दै आएका छन् । हालै नागरिकता कानूनमा गरिएका संशोधन र विश्वविद्यालयमा शुल्कवृद्धि गरिएकोमा उनीहरूले विरोध गरिरहेका छन् ।
दीपिका विद्यार्थीहरूको विरोधसभामा पुगेपछि मोदी समर्थकहरूले हल्लाखल्ला मच्चाउन थाले । दीपिकाले फिल्मको व्यापार बढाउनका लागि सस्तो पब्लिसिटी स्टन्ट गरेको आरोप उनीहरूले लगाए अनि जेएनयूका विखण्डनकारीहरू तत्त्वको समर्थन गरेको भन्दै उनको फिल्मको बहिष्कार गर्न समेत आह्वान गरे ।
तान्हाजीको तुलनामा छपाकले राम्रो व्यापार नगरेपछि सोमवारसम्ममा दीपिकालाई व्यंग्य गर्दै मोदीसमर्थकहरूले सामाजिक सञ्जाल रंगाएका छन् ।
दीपिकालाई आलोचना गर्नेहरूले उनको फिल्मको पूर्ण बहिष्कार गरेका छन् र तान्हाजीलाई खुलमखुला समर्थन गरेका छन् किनकि देवगणको फिल्ममा राष्ट्रवादको विषयवस्तु छ र यसले देशमा रहेका विखण्डनकारी शक्तिहरूका विरुद्ध बनेको राष्ट्रिय भावलाई प्रतिबिम्बित गर्छ भनिएको छ । यस फिल्मको सफलतालाई उनीहरूले राष्ट्रिय गौरव र देशभक्तिले भरिएको मोदी सरकारको सफलताको प्रमाणका रूपमा प्रस्तुत गरेका छन् ।
‘यो बक्स अफिसमा तान्हाजी र छपाकको मात्र कुरा रहेन, यो भारतपक्षधर र भारतविरोधीको कुरा हो । सन्देश चर्को र स्पष्ट छ भन्ने आशा छ,’ सरकारसमर्थक गुञ्जन मेहताले ट्वीट गरे । अन्यले चाहिँ छपाक व्यापारिक रूपमा विफल फिल्म भएको बताए । रिलिज भएको दिन पटनाको एक सिनेमाघरमा जम्मा तीनजना यो फिल्म हेर्न गएको दाबी उनीहरूले गरे ।
फिल्म विश्लेषकहरूले तान्हाजीको सफलताबाट राष्ट्रवादी फिलमहरूलाई दर्शकले रुचाउन थालेको बताएका छन् । उनीहरूले पोहोर साल आएको फिल्म उरीको सफलतालाई पनि उद्धृत गर्ने गरेका छन् । सन् २०१६ मा भारतीय सेनाले पाकिस्तानको बालाकोटमा रहेको आतंकवादी शिविरमा गरेको सर्जिकल स्ट्राइकको कथामा बनेको त्यस फिल्ममा विकी कौशल प्रमुख भूमिकामा थिए ।
तान्हाजीका निर्देशक ओम राउत पनि देशमा अहिले गर्व र देशभक्तिको माहोल रहेको अनुभव गर्छन् ।
‘भारतीय हुनुको अनि देशभक्तिको निकै बलियो भाव बनिरहेको छ,’ उनले भने । ‘माहोल नै त्यस्तै छ । चलचित्र र चलचित्रकर्मीहरू समाजलाई प्रतिबिम्बित मात्र गर्छन् र समाजका एक अंग न हुन् ।’
तर छपाकलाई असफल फिल्म भन्न मिल्दैन । फिल्मको व्यापार विश्लेषण गर्नेहरूले तान्हाजीको तुलनामा यसले कम व्यापार गरेको भए पनि यसको बजेट नै सानो भएको बताएका छन् ।
उनीहरूका अनुसार, छपाक सानो बजेटमा बनाइएको हो अनि दीपिका र निर्देशक मेघना गुलजार दुवैजना यसका सहनिर्मात्री हुन् । यसमा दीपिका बाहेक अन्य कुनै पनि सुपरस्टार नभए पनि यसले लागत खर्च उठाउन सक्छ अनि पहिलो हप्ता सकिँदासम्म नाफा नै कमाउन सक्छ ।
तर त्यतिन्जेलसम्म हिन्दू वीरता र गर्वप्रति श्रद्धाभाव प्रकट गर्ने तान्हाजी ब्लकबस्टर बनिसक्छ । त्यसले भारतीय फिल्म उद्योगभित्र र बाहिर रहेका मोदी समर्थकहरूलाई खुशी बनाउनेछ ।
आरटीमा प्रकाशित विश्लेषण
अहिलेका सर्वाधिक हिट अभिनेता हुन् दयाहाङ राई । उनि अभिनीत एकपछि अर्को फिल्मले हलमा राम्रो व्यापार गरेका छन् । यसवर्ष पनि उनको शीर्ष भूमिका रहेको ‘जारी’ र ‘नाङ्गो गाउँ’ले राम्र...
यस वर्ष अहिलेसम्म प्रदर्शनमा आएका ३३ नेपाली चलचित्रमध्ये ६ वटा मात्र सफल भएका छन् । २ दर्जन बढी चलचित्रको लगानी भने बालुवामा पानी सरह देखिएको छ । सफल हुनेमध्ये वैशाख १ गतेबाट प्रदर्शनमा आएको ‘जारी&rsqu...
अभिनेत्री रेखा थापा आमा बनेकी छन् । अमेरिकामा रहेकी रेखाले शुक्रवार छोरीलाई जन्म दिएकी हुन् । उनले छोरीको नाम वैभवी राज्यलक्ष्मी शाही ठकुरी राखेकी छन् । सामाजिक सञ्जालमा तस्वीर सार्वजनिक गर्दै उनले आमा...
अभिनेता राजेश हमालबारे नकारात्मक टीकाटिप्पणी कमै हुने गरेको छ । सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...
बडा दशैँको अवसर पारेर गत शुक्रवारबाट प्रदर्शनमा आएको नारायण रायमाझी निर्देशित चलचित्र ‘परदेशी २’ले दर्शकबाट सुखद् प्रतिक्रिया पाइरहेको छ । हलबाट निस्किँदै गरेका दर्शकहरूले आजको नेपाली समा...
वैशाखको १४ गतेबाट प्रदर्शनमा आउने फिल्म ‘बोक्सीको घर’को फस्र्टलुक पोस्टर सार्वजनिक गरिएको छ । बुधवार सरस्वती पूजाको अवसर पारेर अभिनेत्री केकी अधिकारीको होम प्रोडक्सनमा निर्माण भएको यो फिल्मको पो...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...