अमेरिकी राजदूतको जुंगाले दियो दक्षिण कोरियालाई तनाव

कोरियाली प्रायद्वीपमा आणविक निःशस्त्रीकरणको तनाव त छँदैछ तर अहिल आएर दक्षिण कोरियाका लागि अमेरिकाका राजदूत ह्यारी ह्यारिसको जुंगाले तनाव दिएको छ ।

पूर्व नेभी एडमिरल ह्यारिस जापानमा जन्मेका थिए । उनका पिता अमेरिकी जलसैनिक हुन् र आमा जापानी हुन् । उनले जुंगा पालेर दक्षिण कोरियालाई चिढ्याएको आरोप लागेको छ । कोरियालीहरूले उनको जुंगाबाट जापानी साम्राज्यवादी शासनको याद आएको बताएका छन् ।


Advertisement

सन् १९१० देखि १९४५ सम्म कोरियाली प्रायद्वीपमा जापानको शासन चलेको थियो र अहिलेसम्म पनि दक्षिण कोरियाका लागि यो घृणाको स्रोत बनिरहेको छ । युद्धकालीन स्मृतिकै कारण पोहोर साल दक्षिण कोरिया र जापानको सम्बन्धमा चिसोपन आएको थियो । 

ह्यारिस सन् २०१८ को जुलाई महिनामा राजदूत नियुक्त भएदेखि दक्षिण कोरियाका सामाजिक सञ्जाल प्रयोगकर्ताहरूले उनको स्वरूपको आलोचना गर्न थालिसकेका थिए । जापानको साम्राज्यवादी शासनका बेलामा सबै आठ जापानी शासकले जुंगा पाल्ने गर्थे । 


Advertisement

अघिल्लो साता ह्यारिसले सउलका पत्रकारहरूलाई आफ्नो पृष्ठभूमिका कारण तारो बनाइएको बताएका थिए । 

‘खै के कारणले गर्दा हो मेरो जुंगा यहाँ आकर्षणको केन्द्र बनेको छ,’ उनले भनेका थिए । ‘मलाई यहाँ मिडियामा, विशेषगरी सामाजिक सञ्जालमा, मेरो जातीय पृष्ठभूमिका कारण आलोचना गर्ने गरिएको छ ।’

उनले आफ्नो ४० वर्षीय जलसैनिक करीयरमा जुंगादाह्री पाल्ने नगरेको तर कूटनीतिक करीयरको शुरूआतमा जुंगा पाल्ने निर्णय गरेको बताए । 

कोरिया टाइम्सले ह्यारिसको जुंगा अमेरिकाको असम्मानजनक छविसँग जोडिएको लेख्यो । ह्यारिसलाई राजदूत भन्दा पनि गभर्नर जनरलको जस्तो व्यवहार देखाएको भनी गिल्ला गर्ने गरिन्छ भनी कोरिया टाइम्सले लेख्यो ।

एजेन्सी
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्