मैनाली भन्छन्, 'विप्लवले विदेशीको सहयोग लिएर संकट ननिम्त्याउलान भन्ने के ग्यारेन्टी ?'

नेकपा (माले)का महासचिव सिपी मैनालीले नेत्रविक्रम चन्द ‘विप्लव’ नेतृत्वको नेकपालाई प्रतिबन्ध लगाएर राजनीतिक समाधान नहुने बताएका छन्। 

धर्मसभा राष्ट्रिय मञ्च र नेपाल पत्रकार तथा लेखक समाजकोे आयोजनामा ‘देशको वर्तमान परिस्थिति र भविष्य ’ विषयक अन्तर्क्रिया कार्यक्रममा मैनालीले देशभक्त शक्तिहरुलाई जवरजस्त विद्रोहमा धकेल्दा देश थप संकटमा जानेसमेत बताएका हुन्।


Advertisement

मैनालीले नेकपालाई शान्तिपूर्ण राजनीतिक गतिविधिसमेत गर्न पाउने अधिकारबाट च्युत गरेर उसलाई विद्रोहको बाटो अबलम्बन गर्न प्रेरित गर्नु गलत भएको धारणा राखे । उनले सरकारी प्रतिबन्ध अनुचित भएको आरोप लगाउँदै भने,‘यति धेरै कानून र सुरक्षा हुँदा हुँदै पनि प्रतिबन्धले विप्लवसँग सरकारले द्वन्द निम्त्यायो जुन देश, जनताले थेग्न सक्दैन र कसैले पनि रुचाएको छैन ।’

महासचिव मैनालीले अहिलेसम्म विप्लवले विदेशी शक्तिसँग सहयोग नलिने प्रतिवद्धता जाहेर गरे पनि भविष्यमा उसले त्यसलाई तोड्न सक्ने खतरासमेत जाहेर गर्दै भने, ‘मलाई डर लाग्दै छ, नेपालको विगतको इतिहास शाक्षी छ, विप्लवले ‘मर्ता क्या कर्ता नहीँ’ भने जस्तै आफूलाई जोगाउन विदेशीको सहयोग लिएर थप संकट ननिम्त्याउलान भन्ने के ग्यारेन्टी । त्यसैले विप्लवले विद्रोहको बाटो त्याग्ने र सरकारले अनुद्दार नीति त्यागेर राष्ट्रिय एकता कायम गर्नु पर्छ ।’


Advertisement

महासचिव मैनालीले २००७ साल पछि लगातार देश कमजोर बन्दै गएको परिवेशलाई स्मरण गराउँदै, ती प्रत्येक अस्थिरतामा विदेशी शक्तिहरुको हात रहँदै आएको र त्यसमा स्वदेशी देशभक्त भिनिने शक्तिहरुले आफ्नो नीजी स्वर्थ अनुकुल सहमति दिएको आरोप लगाए ।

कहिले जातीय तथा पहिचनको द्वन्द्व, कहिले संविधान संशोधन र अहिले विप्लव, एमसीसी लगायतका द्वन्द्वले देशलाई खतरनाक अस्थिरतामा धकेल्ने र देशको सार्बभौमिकतालाई नै ध्वस्त पर्ने दिशामा गएकोप्रति चिन्ता जाहेर गरे।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्