मुख्यमन्त्री शाही भन्छन्, 'पण्डित उत्पादन गर्ने शिक्षाले मुलुकको समृद्धि हुँदैन'

कर्णाली प्रदेश सरकारका मुख्यमन्त्री महेन्द्रबहादुर शाहीले पण्डित उत्पादन गर्ने शिक्षाले मुलुकको समृद्धि नहुने बताएका छन्। निजी तथा आवासीय विद्यालय अर्गनाइजेशन (प्याब्सन) सुर्खेतद्वारा आयोजित दोस्रो वार्षिक साधारणसभाको उद्घाटन गर्दै मुख्यमन्त्री शाहीले पढ्दापढ्दै रोजगारीको सिर्जना हुने शिक्षा प्रणाली मुलुकमा आवश्यक भएको बताए। 'हाम्रो माटो, हावापानी र आवश्यकताअनुसारको पाठ्यक्रम बनाउनुपर्छ,' उनले भने, 'उत्पादन र आर्थिक विकासमा योगदान दिने शिक्षा लागू हुन सके मात्र देश लक्षित गन्तव्यमा पुग्न सक्छ ।'

निजी क्षेत्रको राष्ट्र निर्माणमा महत्वपूर्ण भूमिका रहेको बताउँदै मुख्यमन्त्री शाहीले कर्णालीमा लगानी गर्ने गर्ने निजी कम्पनीलाई १० वर्षसम्म प्रदेशले कर छुट गर्ने नीति लिएको प्रष्ट्याए। निजी क्षेत्रसँगको समन्वयलाई निकट बनाउने र यहाँ लगानी गर्ने निजी क्षेत्रलाई हार्दिकताका साथ स्वागत गर्ने उनको भनाइ थियो । उनले भने, 'समृद्धि शब्द अहिले मन्त्र जस्तो भएको छ । यो जपेर मुलुकको विकास हुँदैन । समृद्धिमा पुग्ने बलियो आधार, दिगो सोच र राजनैतिक योजना तयार गर्न जरुरी छ ।'


Advertisement


Advertisement

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्