उड्नै लागेको विमानमा लाग्यो आगो, यात्रु त्रस्त (भिडियो)

रुसको नोभोसिबिर्स्क शहरमा रहेको तोलमाचेभो विमानस्थलमा उड्नै लागेको एक विमानको इन्जिनमा आगो लागेपछि यात्रुहरू तर्सेका छन् । 

घटनाको भिडियो फूटेजमा एयरबस ए३२१ इन्जिनमा आगो लागेको देखिन्छ । 


Advertisement

विमानमा २७ बालबालिका सहित २०८ यात्रु थिए । विमान कर्मचारीहरूले आगो निभाउन विमानको अग्निनिरोधक प्रणाली सक्रिय बनाए अनि अग्निनियन्त्रकहरू विमानतिर दौडिए । 

इन्जिनमा आगो लाग्नुअघि पोक्क आवाज आएको सुनिएको यात्रुहरूले बताए । 


Advertisement

एयरबस रुसको सबभन्दा ठूलो राष्ट्रिय एयरलाइन एस७ को हो र यो भियतनामको काम रान्ह जान खोज्दैथियो । 

एस७ प्रवक्ताले भने, ‘विमान कर्मचारीले आगो निभाउन सिस्टम याक्टिभेट गरे अनि विमानलाई टर्मिनलतिर फर्काइयो । उक्त उडानका लागि अर्को विमान उपयोग गरियो । यस विमानलाई मर्मतका लागि लगिएको छ ।’

इन्जिनमा आगो लागेको विमान सञ्चालनमा आएको १३ महिना मात्र भएको थियो ।

एजेन्सी

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्