स्मार्टफोनको लत छुटाउन बनाइयो 'अफलाइन कुर्सी'

स्मार्टफोनका लतीहरूलाई वास्तविक संसारमा ल्याउन र आराम दिलाउनका लागि अफलाइन कुर्सी बनाइएको छ । कुर्सीमा बस्नेहरूलाई इन्टरनेट पहुँचबाट ब्लक गरिन्छ । 

नरम, खैरो रंगको कपडा मोरिएको कुर्सीले बस्नेहरूलाई आरामदायी र शान्त वातावरण उपलब्ध गराउने बताइएको छ । 


Advertisement

यसमा अफलाइन पकेट पनि राखिएको छ । त्यसभित्र राखिएको कुनै पनि डिभाइसमा वाईफाई र मोबाइल सिग्नल पुग्न पाउँदैन । 

‘अध्ययनहरूले देखाएअनुसार एक औसत प्रयोगकर्ताले दिनको ११० पटक फोन अनलक गर्ने गरेका छन् अनि कीर्तिमान तोड्नेहरूले झन् ९०० पटक पनि खोले,’ पोल्यान्डकी डिजाइनर अगाता नोवाकले बताइन् । त्यसपछि उनले सन्


Advertisement

२०१५ मा अफलाइन कुर्सी बनाउन थालेकी हुन् । त्यतिखेर उनी पोज्नानमा रहेको युनिभर्सिटी अफ फाइन आर्ट्समा फर्निचर डिजाइन अध्ययन गरिरहेकी थिइन् । 

त्यतिखेर मानिसहरू दिनमा औसत दुई घन्टा फोनमा बिताउने गर्थे । तर अहिले औसत रूपमा चार घन्टामा फोनमा मानिसहरूले समय बिताउने गरेका छन् । त्यो भनेको सुतेको समयबाहेक जीवनको एक चौथाइ भाग हो । 

नोवाकले भनिन्, ‘मैले मानिसहरूको व्यवहार हेरें । हामीहरू अत्यधिक उत्तेजित अवस्थामा रहन्छौं । आज रिल्याक्स गर्न हामीहरू ध्यान र माइन्डफुलनेस जस्ता काम गरिरहेका छौं । अनि राम्रो निद्राका लागि हामीहरू विभिन्न किसिमका याप प्रयोग गर्छौं । तर हामीले एक क्षणका लागि स्मार्टफोनलाई बिर्सियौं अनि नोटिफिकेसन नसुनी बस्यौं भने यसको आनन्द उठाउँथ्यौं,’ नोवाकले थपिन् । 

‘तर यसलाई व्यवहारमा उतार्नु निकै गाह्रो छ किनकि हामीहरू स्मार्टफोनका लती हौं,’ उनले भनिन् ।

नोवाकले कुर्सीलाई व्यापारिक रूपमा विकसित गर्न एक प्रोड्युसर खोजिरहेकी छन् ।

एजेन्सी
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्