×

NMB BANK
NIC ASIA

जिल्याइए उखु किसान : पाएनन् भुक्तानी अझै

माघ ८, २०७६

NTC
Sarbottam
Premier Steels
Marvel

चिनी मिलले सम्झौता पालना गरेका भए मंगलबार (माघ ७) भित्र उखु किसानले पुरानो बाँकी सबै भुक्तानी पाउनुपथ्र्यो। सरकारले दिलाएको विश्वासपछि त्यही आसमा उनीहरू आन्दोलन त्यागेर पुस १८ मा जिल्ला फर्किएका थिए। तर, गरिब किसान फेरि जिल्याइए।

Sagarmatha Cement
Muktinath Bank

आठ चिनी उद्योगले किसानलाई १ अर्ब २ करोड रुपैयाँ दिन बाँकी छ। आफैंले तोकेको म्यादमा जम्मा ३ उद्योगले १६ करोड १४ लाख रुपैयाँ मात्रै उपलब्ध गराएको उद्योग विभागले जनाएको छ।


Advertisment
RMC TANSEN
IME BANK INNEWS
shivam ISLAND

‘हामीले जति प्रयास गरे पनि उद्योगीहरू अटेर गरी सम्पर्कमै आउन मानेनन्’, उद्योग, वाणिज्य तथा आपूर्ति मन्त्रालयका एक अधिकारीले भने, ‘चिनी उद्योगबाट अझै १ अर्बभन्दा बढी रकम भुक्तान हुन बाँकी छ।’ अटेरी उद्योगीविरुद्ध कस्तो कारबाही गर्ने भनेर मन्त्रालय छलफलमा जुटेको छ। यसै साता मन्त्रालयका तर्फबाट कठोर नीति अवलम्बन गर्ने संकेत स्रोतले गरेको छ।


Advertisment
Nabil box
Kumari

उद्योगमन्त्री लेखराज भट्टको रोहवरमा उखु किसान संघर्ष समिति र मन्त्रालयका तर्फबाट सहसचिव दिनेश भट्टराईबीच उक्त सम्झौता भएको थियो। मन्त्रालयले उद्योगीबाट १८ दिनभित्र सम्पूर्ण बक्यौता रकम किसानलाई उपलब्ध गराउने वाचा गरेको थियो।

Vianet communication
Laxmi Bank

विभागका महानिर्देशक जीवनप्रकाश सिटौलाका अनुसार महालक्ष्मी सुगर मिलले २१ करोड ४० लाखमध्ये ११ करोड ५० लाख रुपैयाँ उपलब्ध गराएको छ। उक्त मिलले ९ करोड ९० लाख बक्यौता तिर्न बाँकी छ। ‘भुक्तानी गर्नुपर्ने समयसीमा तोकिए पनि मंगलबार भने कुनै उद्योगी सम्पर्कमा आएनन्’, उनले भने।

अन्नपूर्ण सुगर मिलले ४२ करोड रुपैयाँमध्ये ३ करोड ९० लाख किसानलाई भुक्तानी गरेको जानकारी विभागमा आएको छ। उसले अब ३८ करोड १० लाख तिर्न बाँकी छ।

श्रीराम सुगर मिलले पुरानो सबै गरी २६ करोड ७७ लाख ७८ हजार भुक्तानी गर्न बाँकी छ। इन्दिरा सुगर मिलले ७४ लाख रुपैयाँ भुक्तानी गरेको र १० करोड ४८ लाख चुक्ता गर्न बाँकी छ। श्रीराम सुगरले म्यादभित्र एक पैसा पनि भुक्तान नगरेको महानिर्देशक सिटौलाले बताए। बागमती खाँडसारी सुगर उद्योगले ८ करोड ५० लाख, महाकालीले ६२ हजार, लुम्बिनीले ८ करोड, बाबा वैजनाथले २५ लाख ५६ हजार र इन्दिरा सुगर मिलले १० करोड ४८ लाख रुपैयाँ किसानलाई भुक्तानी गर्न बाँकी छ।

उद्योगीले समयसीमाभित्र बक्यौता रकम उपलब्ध नगराएपछि मन्त्रालयमा मंगलबारै सचिवस्तरीय बैठक बसेको थियो। बैठकमा श्रीराम सुगर मिलका हितेश गोल्छा र महालक्ष्मी सुगर मिलका प्रतिनिधिलाई डाँकिएको थियो। गोल्छाले आफूले तिर्नुपर्ने सम्पूर्ण रकम जग्गा बिक्री गरेर उपलब्ध गराउने भनेर किसानसँग तमसुक गरेको जानकारी दिएका थिए।

मन्त्रालयले मंगलबारै श्रीराम सुगर मिलको जग्गा बिक्री गर्न आवश्यक सहयोग गरिदिन भूमि व्यवस्था मन्त्रालयलाई पत्राचार गरेको छ। महालक्ष्मीले यथाशिघ्र बाँकी रकम भुक्तान गर्ने मन्त्रालयको बैठकमा वाचा गरेको थियो।

मन्त्रालय स्रोतका अनुसार अन्नपूर्ण सुगर मिलको हकमा उद्योग मन्त्रालयले ऊर्जालाई पत्राचार गरी त्यहाँबाट पाउनुपर्ने भुक्तानी तत्कालै अन्नपूर्णलाई उपलब्ध गराइदिन आग्रह गरेको छ। ‘ऊर्जा मन्त्रालयबाट अन्नपूर्ण सुगर मिलले ठूलो रकम भुक्तानी लिन बाँकी छ। त्यो रकम आएपछि किसानलाई भुक्तानी दिने वाचा उद्योगीले गरेपछि मन्त्रालयले ऊर्जा मन्त्रालयमा पत्राचार गरी अन्नपूर्णले पाउनुपर्ने रकम तत्कालै उपलब्ध गराइदिन पत्राचार गरिएको हो’, मन्त्रालय स्रोतले भन्यो।

किसानले उखु उद्योगबाट २०७० सालदेखिको बक्यौता रकम पाएका छैनन्। रकम प्राप्त गर्न बर्सेनि स्थानीयस्तरमा आन्दोलन गरे पनि सुनुवाइ नभए पनि उनीहरूले पुस १० गतेदेखि राजधानीको माइतीघर मण्डलामा साताव्यापी आन्दोलन गरेका थिए। उखु किसान संघर्ष समितिको अगुवाइमा भएको आन्दोलनमा उद्योग मन्त्रालयले पुुस १८ गते लिखित सम्झौता गर्दै सम्पूर्ण बक्यौता रकम उपलब्ध गराइदिने वाचा गरेको थियो।

समितिका सचिव हरेश्याम रायले सरकारले तोकेको समयमा उद्योगीले बक्यौता रकम उपलब्ध नगराएकाले किसानलाई संगठित गरी पुनः राजधानीमा आन्दोलन गर्ने तयारीमा लागेको बताए। ‘सहमतिअनुसार बक्यौता रकम माघ ७ गतेभित्र उपलब्ध भएन, राज्यले बाचा पूरा गरेन’, उनले भने, ‘पीडित किसानलाई संगठित गरी अब वारपारको आन्दोलन गर्न निकट समयमै राजधानी आउँदै छौं।’

उद्योगलाई सम्पर्कमा ल्याउन गृहलाई पत्राचार

लुम्बिनी, बागमती र अन्नपूर्ण सुगर मिलका सञ्चालकलाई सम्पर्कमा ल्याइदिन गृह मन्त्रालयलाई पत्राचार गरिएको महानिर्देशक सिटौलाले बताए। उनका अनुसार अन्य उद्योगका सञ्चालक र प्रतिनिधि सम्पर्कमा आइरहे पनि लुम्बिनी, बागमती र अन्नपूर्णका कोही पनि आएका छैनन्। ‘तीनवटै उद्योगका उद्योगीलाई सम्पर्कमा ल्याइदिन गृह मन्त्रालयलाई मंगलबार पत्राचार गरेका छौं’, उनले भने। अन्नपूर्ण पोस्टमा खबर छ ।

hAMROPATRO BELOW NEWS
TATA Below
फागुन १५, २०७४

बुटवल, १५ फागुन-  भैरहवास्थित गौतम बुद्ध अन्तर्राष्ट्रिय विमानस्थलमा ३५ जना चिनियाँसहित २ सय मजदुर काम गरिरहेका छन् । केही निर्माण उपकरण र मेसिनरी यन्त्र थपिएका छन् । द्रुतगतिमा कच्चा पदार्थ संकलन भएको छ । च...

माघ २५, २०८०

त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...

माघ २२, २०८०

सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले  त्यहाँ  आवश्यक  प्राविधिक  तयारी  ...

फागुन ४, २०८०

ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ।  अदालतले त्यसमा दोषीहरुलाई कैद र जरिवानको फैसला पनि गरेको छ ।  ...

मंसिर २५, २०८०

अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...

माघ ३, २०८०

चालुु  आर्थिक  वर्ष  २०८०/८१  मा  नेपाली  श्रमिकका लागि मलेसियाको रोजगारी घटेको छ । गत आव २०७९/८० मा पहिलो श्रम गन्तव्य देश बनेको मलेसिया चालुु आवमा क्रमशः घटेर तेस्रो र चौथो ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x