भारतको उत्तर प्रदेशमा रहेको बरेलीमा भ्रष्टाचारनिरोधी अदालतले शाहजहाँपुर प्रहरीलाई एक ग्राम विकास अधिकारीविरुद्ध उजुरी दर्ता गर्न आदेश दिएको छ ।

दुई र चार वर्षका बालबालिकाको उमेर ती अधिकारीले १०० वर्ष बढाइदिए । 

ती अधिकारीले जन्म प्रमाणपत्र जारी गरेकोमा घूसका लागि ५०० भारु मागेको बालबालिकाको परिवारको आरोप छ । परिवारले घूस दिन नमानेपछि अधिकारीले गलत उमेर सहितको प्रमाणपत्र जारी गरे । 

आरोपितले उच्च अदालतबाट पक्राउको स्टे अर्डर लिएकाले उसलाई पक्राउ गर्न बाँकी रहेको प्रहरीको भनाइ छ । उच्च अदालतमा मुद्दाको सुनुवाइ माघ २० गते हुनेछ ।

शाहजहाँपुरस्थित बेलामा बस्ने पवन कुमारले आफ्ना भतिजाहरू शुभ र संकेतको जन्म प्रमाणपत्रका लागि निवेदन दिएको बताए । ग्राम विकास अधिकारीले त्यसका लागि घूस मागेपछि आफूले दिन नमानेको उनको भनाइ छ । शुभको

जन्ममिति सन् २०१६ को साटो १९१६ र संकेतको जन्ममिति २०१८ को साटो १९१८ बनाइदिएको पवनले बताए ।

एजेन्सी