मेची क्याम्पसमा बौद्धिक उद्यान बन्दै

झापाको मेची बहुमुखी क्याम्पसको हाताभित्र प्रदेश नं १ का पाँच विभूतिको प्रतिमासहित बौद्धिक पार्क निर्माण शुरू गरिएको छ ।

शहीद राम थापाको शालिकको उत्तरपट्टि निर्माण हुने पार्कमा गुरुजी श्री १०८ मङ्गलदासजी महाराज, महागुरु फाल्गुनन्द, बालागुरु षडानन्द, डा स्वामी प्रपन्नाचार्य र दानवीर देवीप्रसाद उप्रेतीको परिचयात्मक अभिलेखसहित मूर्ति स्थापना गरिने मेची बहुमुखी क्याम्पसका प्रमुख कमल गुरागाईंले बताए ।


Advertisement

पार्कको निर्माण मङ्गल सेवा समिति भद्रपुरले गर्ने भएको छ । समितिका अध्यक्ष गोपालदास खनालका अनुसार समिति र क्याम्पसबीच पार्क निर्माणका विषयमा सम्झौता भइसकेको छ । अर्थमन्त्री डा युवराज खतिवडाले गत मङ्सिर २७ गते पार्कको विधिवत् शिलान्यास गरेका थिए ।

मानवीय सेवामा समर्पित मङ्गल सेवा समितिले यसअघि चन्द्रगढी विमानस्थलमा लाखौँको खर्चमा मङ्गल बाटिका निर्माण गरेको थियो । मेची क्याम्पसको सौन्दर्य र महत्व बढाउने गरी बौद्धिक पार्क निर्माणमा समिति जुटिसकेको खनालले बताउनुभयो । उहाँका अनुसार पार्कको प्रारम्भिक लागत रु ३० लाख लाग्ने अनुमान गरिएको छ । 


Advertisement

सम्झौतामा एक वर्षभित्र पार्कको निर्माण सकेर क्याम्पसलाई हस्तान्तरण गरिने उनले बताए। निर्माणाधीन पार्क गुणस्तरीयताका लागि क्याम्पस प्रमुख गुरागाई, सम्बन्धित वडाका वडाध्यक्ष र संस्थाको तर्फबाट एक गरी तीन जनाको अनुगमन समिति बनाइएको छ ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्