मंसिर ३०, २०८०
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
केन्या घर बताउने २८ वर्षीया राजी (सामाजिक सञ्जालमा राखेको नाम) केही समययता नेपालमा छिन् ।
वापलग, टिन्डरलगायत डेटिङ एपमार्फत नेपालीहरूसँग सम्पर्कमा रहेकी उनले तिनै एपको माध्यमबाट यौन पेशा चलाएकी छन् ।
सलक्क जिउडाल मिलेकी स्लिम अफ्रिकी युवती ‘बिजनेस’ राम्रो भएसम्म नेपालमै रहने बताउँछिन् ।
उनले भनेको ‘बिजनेस’ नेपाली युवाको यौन प्यास मेटाएर पैसा कमाउने हो ।
वापलग नामक डेटिङ एपमा अघिल्लो साताको शनिवार बेलुका उनलाई ४ किलोमिटरको दूरीमा देखाइरहेको थियो ।
उनीबारे चासो राखी म्यासेज गर्दा ठमेल आउन आग्रह गरिन् ।
त्यसपछि ग्राहक नै बनेर कुरा गर्दा उनले आफ्नो रेट पनि सुनाइन्– एकपटकको ५ हजार नेपाली रुपैयाँ ।
अंग्रेजी भाषामा भएको संवादमा उनलाई फेरि सोधियो– एकपटक कि एक रात ?
उनले तत्कालै जवाफ दिइन्– ‘वन टाइम डुड, दिस इज इम्पोर्टेड से** !’ (एकपटकको हो, साथी । यो आयातित ... हो ।)
कहाँ आउने, सम्पर्क नम्बर कति हो ?
फोन नम्बर र सम्पर्क हुने स्थान बताउन आनाकानी गरेकी उनले भोलि (आइतवार) आउन आग्रह गरिन् ।
सम्पर्क नम्बर र ठेगाना पनि आइतवार नै दिने उनको वचन थियो ।
आफू एकदमै थाकेको कारण देखउँदै उनले भनिन्– ‘देअर वज टू फ*र्स टुडे, आई एम भेरी टायर्ड !’ (आज दुई ग्राहक थिए, म एकदमै थकित छु ।)
शनिवार मात्रै दुई ग्राहकसँग समय व्यतित गरिसकेको उनको आशय थियो ।
धेरै प्रश्न गर्न थालेपछि वास्तविक ग्राहक भएकोमा शंका लागेछ क्यारे, उताबाट म्यासेज आयो– ‘फ** यू डुड, नो मोर कोइसन !’ (जा भाग्, थप प्रश्न नगर्)
त्यसपछि रिप्लाई आउन छाड्यो ।
यी अफ्रिकी युवती त एक उदाहरण मात्र हुन्, पछिल्लो समय नेपाल आएर यौन पेशा चलाउने विदेशी युवतीको संख्या बढ्दो छ ।
***
अफ्रिकी युवतीसँगको संवादपछि वास्तविकता जान्ने इच्छा जाग्यो ।
ठमेलका क्लब तथा पबहरूलाई बेस बनाएर विदेशी युवतीले यौनधन्धा चलाएका छन् भन्ने सूचना पहिलेदेखि नै थियो ।
एकजना साथी लिएर म स्थलगत रिपोर्टिङका लागि गत शुक्रवार राति ठमेल पुगें ।
राति करीब १२ बजेपछि कर्मचारी सञ्चयकोष चोकमा केही विदेशी युवती देखिए । मंगोलियन अनुहार थियो । चाइनिज हुन् जस्तो लाग्यो ।
उनीहरूको हुलिया तथा मध्यरातको समय हेर्दा यौनकर्मी भएको अनुमान लगाउन गाह्रो भएन ।
तैपनि हामीलाई उनीहरूको गतिविधि पछ्याउनुथियो ।
गतिविधि नियाल्न पिछा गर्ने निधो गर्यौं । अनि २ युवतीको पछि लाग्यौं ।
उनीहरू अन्य विदेशी पर्यटकजस्तै ठमेलको एक पबमा छिरे ।
हामी पनि थाहा नपाउने गरी पछाडि लाग्यौं ।
भित्र पुगेर हामीले बीयर र चिकेन चिल्ली मगायौं ।
उनीहरू नाच्न अगाडि गए ।
त्यहीँ नाचिरहेका नेपाली केटाहरूसँग कुराकानी पनि गर्दै थिए ।
उनीहरूको कुराकानीको चियो गर्नकै लागि नाच्ने बहानामा हामी पनि अगाडि गयौं ।
एक युवतीले चिनियाँ लवजमा नेपालीमै सोधिन्, ‘तपाईं नयाँ आउनुभएको ?’ उनको प्रश्नले हाम्रो शंका यथार्थमा बदलिँदै थियो ।
मैले जवाफ दिएँ, ‘होइन, म यहाँ आइरहन्छु !’ तर उनले विश्वास गरिनन् ।
‘नेभर विफोर सी यू । आइ थिंक यु आर फ्रम आउट अफ भ्याली ?’ (यसअघि देखेकी थिइनँ । भ्याली बाहिरबाट हो?) उनले जिज्ञासा थपिन् ।
‘नोप’ हामीले शर्टकट उत्तर दियौं ।
‘क्यान यु जोइन् अस ?’ (हामीसँग आउने हो ?) हामीले अनुरोध गर्यौं ।
‘यप्’ उनको जवाफ यति मात्र आयो ।
हामीसँगै २ जना युवती आए, एउटै टेबलमा बस्यौं ।
उनीहरूले २ वटा भोड्का मगाए ।
हामीले १ बीयर र १ हट लेमन मगायौं ।
हामीलाई उनीहरूको बारेमा जान्नु थियो । प्रश्न गर्नतर्फ लाग्यौं ।
यति बेलासम्म उनीहरू निर्धक्क भैसकेका थिए, हामी उनीहरूको ग्राहक हौं भनेर ।
मैले नेपालीमै प्रश्न गरें, ‘तपाईंहरू नेपाल बस्न थाल्नुभएको कति भयो नि ?’
पहिलो युवतीले जवाफ दिइन्, ‘८/९ महिना जति भयो ।’
भिसा ? मैले फेरि प्रश्न गरेँ । खित्का छाडेर हाँस्दै उनले भनिन्, ‘नेपालमा बस्न सजिलो छ नि !’ हाँसो लामो समय नै गयो ।
त्यसपछि थाहा भयो उनीहरूले शुरूमा ९० दिनको भिसा लगाएका रहेछन्, त्यसपछि गैरकानूनी रूपमा बस्दै आएका ।
‘नेपाली भाषा त धेरै राम्रो जान्नुहुँदो रहेछ नि ?’
‘मैले इंग्लिस त २ महिना सिकेको, नेपाली सिक्न ४ महिना लाग्यो, अहिले बोल्न सक्छु,’ ती युवतीले जवाफ दिइन् ।
हामी सजिलै घुलमिल भएको र प्रश्न गरिरहेको देखेर उनीहरूले अलिकति शंकाको घेरामा पनि राखेका रहेछन् ।
हामीसँग कुरा गरिरहेकी युवतीले भनिहालिन्, ‘तपाईं कति धेरै सोध्नुहुन्छ ? इन्टरभ्यु नै लिनुपर्छ र ?
‘हैन–हैन उसको बानी नै यस्तै हो’ मसँगै गएका मित्रले जवाफ फर्काए । केहीबेर सबै चुपचाप भयौं । बीयर पिउन थाल्यौं ।
झण्डै ५ मिनेटको मौनता तोड्दै मैले रेट जान्न खोजेँ ।
‘अब जाने होइन ?’ साथीले पनि 'जाऊँ' भनिहाले ।
तीमध्येकी दोस्री युवतीले भनिन्, ‘टेन (दश हजार) पर हेड ।’
‘सो एक्सपेन्सिभ, वी कान्ट अफोर्ड ।’ (एकदमै महंगो, तिर्न सक्दैनौं) मेरा मित्रले जवाफ दिए ।
‘वी आर भीआईपी,’ तीमध्येकी दोस्री युवतीले भनिन् ।
हामीले प्रतिव्यक्ति १० हजार नखर्चिने बताएपछि केहीबेर पुनः मौनता छायो ।
त्यसपछि उनीहरूले नै कुरा झिके– ‘फाइभ थाउजेन्ड ।’
हामी पनि के कम, १५ सय भनिहाल्यौं ।
मैले भनें– ‘ठमेलमा त १५ सयमा जत्ति पनि पाइन्छन् ।’
त्यसपछि पहिलो युवतीले फेरि भनिन्, ‘५ भन्दा कम हुन्न ।’ हामीले अस्वीकार गर्यौं ।
मेरा मित्रले फ्याट्टै भनिहाले– ‘२ थाउ पर हेड ।’
उनीहरूले केही कानेखुसी गरे ।
त्यसपछि पहिलो युवतीले भनिन्, ‘ओके ! बट होटल इज आवर ।’
होटल उनीहरूले खोजेकैमा जानुपर्ने भयो ।
कुन होटल हो भनेर जिज्ञासा राख्दा उनीहरूले ३ दिन अघिबाटै बूक गरेर राखेको बताए । हामीलाई अझै आश्चर्य लाग्यो ।
तीन दिनपहिल्यै किन बूक गरेको भन्ने जिज्ञासामा उनीहरूले सुरक्षाको कारण देखाए । कोही न कोही त भेटिने उनीहरूको आत्मविश्वास पनि रहेछ ।
त्यसो त प्रायः उनीहरूले ग्राहक भेटेकै हुने रहेछन् ।
हाम्रै साधनमा उनीहरूले भनेको लोकेसनतर्फ लाग्यौं । सुन्धारा पुगियो ।
हामीले ‘यो ठाउँमा त बस्दैनौं’ भन्यौं । त्यसपछि उनीहरू हातपातमै उत्रिन खोजे ।
कुटाइ खाइन्छ भन्ने लागेपछि मित्रले हाम्रो पहिचान खुलाइहाले ।
त्यसपछि खतरा उनीहरूलाई पनि महसूस हुने नै भयो । हामी पनि डराएका चाहिँ थियौं ।
फेरि ठमेल फर्किने कुरा भयो ।
साथी अझै बढी डराएछन्, सुटुक्क भने– केही हुने हो कि फेरि ?
मैले जे त पर्ला, जाऊँ भनें ।
मलाई उनीहरूको नाम जान्ने इच्छा थियो र अहिलेसम्म पनि छ ।
पहिलो युवतीले नेपाली नाम रोजी र दोस्रोले युनिसा राखेका रहेछन् । चिनियाँ नाम भने बताउन चाहेनन् ।
ठमेल फर्किएपछि केही कुराकानी भयो । हाम्रो वास्तविकता जानेपछि डराएका उनीहरू कुनै रिस्क लिने मूडमा थिएनन् ।
सौहार्दपूर्ण वातावरणमै कुरा गरे र अप्ठ्यारो नपारिदिन आग्रह पनि ।
उनीहरूको योजना पैसा कमाएर नेपालमै सेटल हुने रहेछ । रोजीले त नेपालमा केटा साथी समेत बनाइसकेको बताइन् ।
शुरूमा भेटिएकै क्लबमा पुगेर हामी छुट्टियौं ।
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...