संसारको सबभन्दा गहिरो तालमा डुबे दुई पर्यटक, अनि यस्तो भयो (भिडियो)

रुसको साइबेरियामा रहेको बैकाल तालमा दुई पर्यटकहरू हिउँको पत्रमा टेकेपछि तालभित्र डुबेको दृश्य भिडियोमा कैद भएको छ । 

पिता र पुत्र बैकाल तालको जमेको सतहमाथि हिँडिरहेका बेलामा अचानक हिउँ फुटेपछि पानीमा चोपलिएका थिए र त्यतिखेर उनीहरू किनारबाट ३०० मिटर पर पुगिसकेका थिए । 


Advertisement

जाखार सारापुलोभ र उनका पिता बोरिस यस्तो घटना हुँदा पनि सौभाग्यवश बाँच्न सफल भए । घटना पुस २४ मा भएको हो । 

भारी ब्याकप्याक बोकेका उनीहरूले ब्याकप्याक फ्याँके अनि आफ्नो कुहिना र गोडा उपयोग गरेर कडा हिउँ भएको ठाउँमा पुग्न सफल भएका थिए ।


Advertisement

उनीहरू तालको चिसो पानीमा १७ मिनेटसम्म बस्नुपरेको थियो र मृत्युको पाशोबाट निस्कन सफल भए । 

पानीमा निथ्रुक्क भिजेर चिसोले काँप्दै उनीहरू माइनस ९ डिग्री सेल्सियस तापक्रममा चार माइल पर गएर पार्क रेन्जर बस्ने ठाउँ पुगे । 

इर्कुत्स्कमा बस्ने बाउछोराले जमेको तालमा हिँड्ने अनुभव यसअघि नै बटुलिसकेका थिए । उनीहरूले प्रस्ट र पारदर्शी बरफमा हिँडेको ठानेका थिए । 

तर बैकालको पिँधमा न्यानो पानी आएपछि त्यो ठाउँको हिउँको पत्र कमजोर बनेको थियो । 

तालमा चोपलिएको दृश्य उनीहरूको गोप्रो क्यामरामा कैद भएको थियो । संसारकै ताजा पानीको २० प्रतिशत भाग बैकाल तालमा पाइन्छ । 

पोहोर साल त्यही ठाउँमा महिला स्केटर आल्ला बाख्वालोभाको डुबेर मृत्यु भएको थियो ।

एजेन्सी

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्