आज बिहीबार हुुने राष्ट्रियसभा निर्वाचनमा प्रदेश पाँचबाट ३ सय ५ मतदाता सहभागी हुँदैछन ।

सातै प्रदेशमा एकसाथ हुन लागेको निर्वाचन प्रदेश पाँचमा दाङमा बिहान १० बजेबाट शुरू हुँदैछ । प्रदेश पाँचमा तीन सिटका लागि ९ जना उम्मेदवार चुनावी मैदानमा छन् ।

तीन पदका लागि नेपाल कम्युनिष्ट पार्टी (नेकपा), नेपाली कांग्रेस, समाजबादी पार्टी र राष्ट्रिय जनमोर्चा पार्टीबाट गरि ९ जनाको उम्मेदवारी परहेको हो ।  

नेपाल कम्युनिष्ट पार्टी नेकपाको तर्फबाट दाङका जगप्रसाद शर्मा, रुपन्देहीबाट गोपाल भटराई र कपिलबस्तुबाट विमला घिमिरेले राष्ट्रियसभा सदस्य पदका लागि उम्मेदवारी दिएका छन् ।

यस्तै नेपाली कांग्रेसबाट दाङकी गिरिजादेबी न्यौपाने, अर्घाखाँचीका बालकृष्ण पाण्डे र बाँकेका मेराजअहमद हलवाईले उम्मेदवारी दर्ता गराएको मुख्य निर्वाचन अधिकृत रितेन्द्र थापाले जानकारी दिएका छन् । 

त्यसैगरी, समाजबादी पार्टीका तर्फबाट बाँकेबाट सुनिल सिंघल र बर्दियाका कृष्णप्रसाद यादबले उम्मेदवारी दर्ता गरेका छन् । राष्ट्रिय जनमोर्चाका तर्फबाट कपिलबस्तुका शिब पौडेलले उम्मेदवार रहेका छन् ।

प्रदेश नम्बर ५ बाट राष्ट्रियसभा सदस्य रहेका रोल्पाका राजकुमार कुँवर, मिना बुढा र रुपन्देहीका दुर्गाप्रसाद उपाध्यायको २ बर्षे कार्यकाल सकिएपछि निर्वाचन हुन लागेको हो । 

निर्वाचनमा प्रदेशसभा सदस्यहरु ८७ जना र स्थानीय तहका प्रमुख उपप्रमुख २ सय १८ गरी ३ सय ५ जना मतदाता रहेका छन् । जसमा नेकपाको १७९ मत रहेको छ  भने नेपाली काग्रेसको ८७ मत रहेको छ ।

यस्तै  समाजबादी पार्टीको तर्फबाट १८ मत रहेको छ । जनमोर्चाबाट ६ मत रहेको छ । अन्य मत साना पार्टीको छ ।