भोकल कोर्ड काटेर राखिएका २७० कुकुरहरूको उद्धार (भिडियो)

स्पेन प्रहरीले भोकल कोर्ड काटेर एक घरको बेसमेन्टमा राखिएका २७० कुकुरहरूको उद्धार गरेको छ । ती कुकुरहरूले भुकेर आफूलाई लुकाइएको ठाउँको जानकारी नदिऊन् भनेर भोकल कोर्ड काटिएको थियो । 

चिहुआहुआ प्रजातिका कुकुरहरू राजधानी मड्रिडको एक घरको तहखाना (बेसमेन्ट) मा अत्यन्तै फोहरी अवस्थामा राखिएका थिए । 


Advertisement

बेसमेन्टलाई तीनवटा एरियामा बाँडिएको थियो : प्रजनन (ब्रीडिङ) क्षेत्र, बिक्री क्षेत्र र प्रजननका लागि तयार पारिने क्षेत्र । 

प्रहरीले फेला पारेका कम्तीमा दुईवटा कुकुर मरेका थिए र तिनलाई जमाएर एउटा पत्रिकामा बेरिएको थियो । अन्य धेरैलाई खोरहरूमा थुनेर राखिएको थियो । 


Advertisement

‘केही कुकुरहरूको भुकाइ निकै पातलो थियो । उनीहरूको स्वास्थ्य परीक्षण गर्दा उनीहरूको भोकल कोर्ड निकालिएको पाइयो,’ एक प्रहरी प्रवक्ताले बताए । 

कुकुरहरूको भुकाइलाई मसिनो बनाउनका लागि शल्यक्रिया गरेर कोर्ड निकाल्ने गरिन्छ । 

‘अवैध रूपमा कुकुरहरूको प्रजननका बारेमा छिमेकीहरूलाई सतर्क बनाउनका लागि कुकुरहरू भुक्लान् भनी कोर्ड निकालिएको हुन सक्छ,’ प्रहरी प्रवक्ताले बताए ।

पाँचजनालाई यससम्बन्धमा पक्राउ गरिएको छ । युरोपमा कुकुरहरू वितरण गर्ने एक अग्रणी संस्थासँग तिनीहरू सम्बन्धित भएको हुन सक्ने बताइएको छ । 

सन् २०१९ को शुरूआततिरबाट कुकुरहरूको अवैध प्रजनन केन्द्रमाथि अनुसन्धान शुरू गरिएको थियो । मड्रिडको मेकोमा अवैध चिहुआहुआ प्रजनन केन्द्रका बारेमा उजुरी परेपछि अनुसन्धान थालिएको थियो । 

त्यतिखेर प्रहरीले छापा मारेर चिहुआहुआ र पोमेरियन जातका २५८ वटा कुकुर बरामद गरेको थियो ।

कुकुर प्रजनन गराउने आपराधिक समूहले २० लाख युरोभन्दा बढी नाफा कमाएको प्रहरीको विश्वास छ । 

एजेन्सी
एजेन्सी

लेखकबाट थप...

कमेन्ट गर्नुहोस्