भारतीय जलसेनाको विमानले पश्चिमी हिन्द महासागर क्षेत्रमा माछा मार्ने चिनियाँ जहाजको गतिविधि पत्ता लगाएको छ । अफ्रिकाको मोरक्को गइरहेको उक्त जहाजलाई चिनियाँ जनमुक्ति सेनाका जलसैन्य जहाजले पहरा दिएका थिए ।

चिनियाँ जहाज र युद्धपोतहरूको गतिविधिलाई भारतीय जलसेनाका युद्धपोत र विमानहरूले देखेको जलसेना स्रोतहरूले समाचार संस्था एएनआईलाई बताए । 

आफ्नो तटवर्ती इलाकाभन्दा निकै पर गएर माछा मार्ने क्रममा चीनको डिस्ट्यान्ट–वाटर फिशिङ फ्लीट मोरक्कोतिर गएको स्रोतले बतायो । 

पश्चिमी हिन्द महासागरले उत्तर अमेरिका, युरोप र एसियालाई जोड्छ र यसको वैश्विक रणनीतिक महत्त्व छ । 

उक्त क्षेत्रमा चिनियाँ र पाकिस्तानी युद्धपोतहरूको गतिविधिमा भारतले कडा नजर राखिरहेको छ । समुद्री लुटेराको गश्ती गर्ने चिनियाँ जहाज पनि हिन्द महासागर क्षेत्र भएर जान्छ र भारतले त्यसको गतिविधिमा पनि निगरानी गर्ने गरेको छ ।

द टाइम्स अफ इन्डियाबाट