ए डिभिजन लिग फुटबलमा सरस्वतीको पहिलो जीत

सहीद स्मारक ए डिभिजन लिगअन्तर्गत मंगलबार ललितपुरको सातदोबाटोस्थित एन्फा कम्प्लेक्समा हिमालयन शेर्पा क्लब र सरस्वती युथ क्लबबीचको खेलमा बललाई अगाडि बढाउँदै हिमालयन शेर्पा क्लबका खेलाडी । तस्वीर: रोशन सापकोटा/रासस

शहीद स्मारक ए डिभिजन लिग फुटलब प्रतियोगितामा सरस्वती युवा क्लबले पहिलो जित दर्ता गराएको छ।

अङ्क तालिकाको पुछारमा रहेको सरस्वती क्लबले हिमालयन शेर्पा क्लबलाई ४–३ गोलअन्तरले परारजित गर्दै जारी लिगमा पहिलो जित दर्ता गराएको हो । जितसँगै सरस्वतीले ४ अङ्क जोडेको छ । सरस्वतीले यसअघि एउटा खेलमा बराबरी गरेको थियो।


Advertisement

सातदोबाटोस्थित एन्फा कम्प्लेक्सको खेल मैदानमा आज भएको खेलमा सरस्वतीको जितमा विदेशी खेलाडी काजिम बुसारीले दुई गोल गरे भने विनोद केसी र मनिष थापाले एक एक गोल गरेका थिए । यता हिमालयन शेर्पाका लागि भने आशिष गुरुङ, विजय श्रेष्ठ र रवि थापाले एक एक गोल गरे। 

खेलको पाँचौैँ मिनेटमा बुसारीले गोल गर्दै सरस्वतीलाई पहिलो अग्रता दिलाए । त्यस्तै खेलको १०औंँ मिनेटमा हिमालयन शेर्पाका आशिष गुरुङले एक गोल फर्काउँदै खेललाई एक एक गोलको बराबरीमा ल्याए।


Advertisement

खेलको ३५औँ मिनेटमा विनोद केसीले गोल गर्दै सरस्वतीलाई २–१ को अग्रता दिलाए । खेलको ४५ औँं मिनेटमा हिमालयन शेर्पाका विजय श्रेष्ठले गोल गर्दै खेललाई २–२ गोलको बराबरीमा ल्याए ।

त्यस्तै खेलको ८४औँ मिनेटमा काजिम बुसारीले गोल गर्दै सरस्वतीलाई ३–२ को अग्रता दिलाए । त्यस्तै खेलको ८८औँ मिनेटमा मनिष थापाले गोल गर्दै सरस्वतीलाई ४–२ ले अघि बढाए । खेलको दोस्रो हाफको अतिरिक्त समयमा हिमालयन शेर्पाका रवि थापाले गोल गर्दै खेललाई ४–३ को अवस्थामा ल्याए । सरस्वतीका बुसारी म्यान अफ दी म्याच घोषित भए । हिमालयन शेर्पाको ७ अङ्क छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्